കരിമണ്ണൂർ : ദുരിതാശ്വാസപ്രവര്‍ത്തനത്തിന് നേരിട്ടിറങ്ങിയ താരങ്ങളുടെ ചിത്രങ്ങൾ രണ്ടുകൈയും നീട്ടിയാണ് സോഷ്യല്‍ മീഡിയയിലൂടെ ജനങ്ങൾ സ്വീകരിച്ചത്. അതിൽ ഏറ്റവും കൂടുതൽ വാര്‍ത്തകളില്‍ നിറഞ്ഞുനിന്നത് ടോവിനോ തോമസ് ആയിരുന്നു. അരിച്ചാക്ക് ചുമന്ന് നീങ്ങുന്ന ടോവിനോയുടെ വീഡിയോ അനേകായിരങ്ങളാണ് കണ്ടത്. ഇപ്പോഴിതാ മറ്റൊരു നടനും അരിച്ചാക്ക് ചുമക്കുന്ന ചിത്രങ്ങള്‍ സോഷ്യല്‍ മീഡിയയില്‍ പ്രത്യക്ഷപ്പെട്ടിരിക്കുകയാണ്.
നടന്‍ ജാഫര്‍ ഇടുക്കി കരിമണ്ണൂരിലെ ദുരിതാശ്വാസ ക്യാമ്പിലേക്ക് അരിച്ചാക്ക് ചുമക്കുന്നതിന്റെ ചിത്രങ്ങളാണ് ഫേസ്ബുക്കില്‍ പ്രത്യക്ഷപ്പെട്ടത്. ഉടുമ്പന്നൂരില്‍ പ്രവര്‍ത്തിക്കുന്ന ചാരിറ്റബിള്‍ ട്രസ്റ്റ് നടത്തിയ ദുരിതാശ്വാസ പ്രവര്‍ത്തനങ്ങളിലാണ് ജാഫര്‍ പങ്കാളിയായത്. അരി, പലചരക്ക് സാധനങ്ങള്‍, വസ്ത്രങ്ങള്‍ എന്നിവ ദുരിതാശ്വാസകേന്ദ്രത്തിലേക്ക് എത്തിക്കാന്‍ അദ്ദേഹം പ്രവര്‍ത്തകര്‍ക്കൊപ്പം കൂടി.
Post Your Comments