കൊച്ചി: പ്രളയ ദുരന്തത്തിൽപെട്ടവരെ കണ്ടെത്താൻ സംവിധാനവുമായി എയര്‍ടെല്‍. പ്രളയത്തില്‍ അകപ്പെട്ടവരിൽ എയര്‍ടെല്‍ മൊബൈല്‍ ഉള്ളവരുടെ ലൊക്കേഷന്‍ വ്യക്തമായി അറിയാന്‍ സാധിക്കുന്ന സംവിധാനമാണ് അവതരിപ്പിച്ചത്.
എയര്‍ടെല്‍ മൊബൈലാണ് നിങ്ങളുടെ കൈയിൽ എങ്കിൽ 1948 എന്ന നമ്പറിലേക്ക് വിളിച്ച ശേഷം ലോക്കേഷന്‍ അറിയേണ്ട വ്യക്തിയുടെ നമ്ബര്‍ ഷെയര്‍ ചെയ്യുമ്പോൾ ആ വ്യക്തിയുടെ ലോക്കേഷന്‍ നിങ്ങള്‍ക്ക് എസ് എം എസായി ലഭിക്കുന്നതായിരിക്കും. ഇനി മറ്റൊരു മൊബൈല്‍ സര്‍വീസിലുള്ള ആളാണെങ്കിൽ 9940344344 എന്ന നമ്പറിൽ വിളിക്കാവുന്നതാണ് എന്നും എയര്‍ടെല്‍ ഉപയോക്താവിനെ മാത്രമേ ഇത്തരത്തില്‍ കണ്ടെത്താന്‍ സാധിക്കു എന്നും എയർടെൽ പറയുന്നു.
അതേസമയം എയര്‍ടെല്‍ അടക്കമുള്ള മൊബൈല്‍ സേവനദാതാക്കള്‍ വോയിസ് കോളും ഡാറ്റ ഉപയോഗവും ഇന്ന് രാവിലെ തന്നെ സൗജന്യമാക്കിയിട്ടുണ്ട്.
Also read : രക്ഷാപ്രവർത്തകരോടൊപ്പം വീടുവിട്ടിറങ്ങാൻ മടിക്കുന്നവരെ പുറത്തിറക്കാൻ നീക്കം തുടങ്ങി
Post Your Comments