താനെ•മഹാരാഷ്ട്രയിലെ താനെ ജില്ലയിലെ ഭയാന്ദറില്‍ പോലീസ് നടത്തിയ റെയ്ഡില്‍ ലോഡ്ജ് കേന്ദ്രീകരിച്ച് പ്രവര്‍ത്തിച്ചിരുന്ന പെണ്‍വാണിഭ സംഘത്തെ പോലീസ് പിടികൂടി. നാല് പേരെ പോലീസ് അറസ്റ്റ് ചെയ്തു. മൂന്ന് സ്ത്രീകളെ ഇവിടെ നിന്നും രക്ഷപ്പെടുത്തിയതായും പോലീസ് അറിയിച്ചു.
രഹസ്യ വിവരം ലഭിച്ചതിന്റെ അടിസ്ഥാനത്തിലാണ് ഉത്തന്‍ തീരദേശ പോലീസ് ഞായറാഴ്ച പുലര്‍ച്ചെ ലോഡ്ജില്‍ റെയ്ഡ് നടത്തിയത്. ശരദ് ഷെട്ടി, വാസുസിംഗ് സന്ധു, ശിവപ്രസാദ്‌ ഷെട്ടി, അഖില്‍ ദാഫെദര്‍ എന്നിവരാണ്‌ അറസ്റ്റിലായത്.
രക്ഷപ്പെടുത്തിയ യുവതികളെ അഭയകേന്ദ്രത്തിലേക്ക് മാറ്റി.
പ്രതികള്‍ക്കെതിരെ ഇന്ത്യന്‍ ശിക്ഷാ നിയമം വകുപ്പ് 370 ഉം 34 പ്രകാരവും അനശ്യാസ്യം തടയല്‍ നിയമം 4,5,6,7 വകുപ്പുകള്‍ പ്രകാരവും കേസ് രജിസ്റ്റര്‍ ചെയ്തതായി പോലീസ് അറിയിച്ചു.
Post Your Comments