ചേട്ടാ കുറച്ച് ഉപ്പ്; ജില്ലാ കളക്ടറെ കൊണ്ട് ഉപ്പു വിളമ്പിച്ച് ഒന്നാം ക്ലാസുകാരൻ

ഇടുക്കി: ഇടുക്കിയിലെ ദുരിതാശ്വാസ ക്യാമ്പിൽ ജനങ്ങളുടെ ആവശ്യങ്ങള്‍ മനസിലാക്കാന്‍ എത്തിയ ജില്ലാ കളക്ടറെ കൊണ്ട് ഒരു വിരുതൻ ഉപ്പ് വിളമ്പിക്കുന്ന ദൃശ്യമാണ് ഇപ്പോൾ ചർച്ചയാകുന്നത്. നാട്ടുകാരുടെ വിശേഷങ്ങള്‍ അന്വേഷിക്കുന്നതിനിടെയാണ് ഒന്നാം ക്ലാസുകാരനായ കുട്ടി കളക്ടറോട് ചേട്ടാ കുറച്ച് ഉപ്പ് തരുമോ എന്ന് ചോദിക്കുന്നത്. കുട്ടിയുടെ ചോദ്യം കേട്ട് കളക്ടര്‍ മടികൂടാതെ ഉപ്പ് വിളമ്പിക്കൊടുക്കുകയും ചെയ്‌തു. ഉടനെ കളക്ടറോട് കുടിക്കാന്‍ വെള്ളവും കുട്ടി ചോദിക്കുകയുണ്ടായി. അതും അദ്ദേഹം തന്നെയാണ് എടുത്ത് നൽകിയത്. ദുരിതാശ്വാസ ക്യാമ്പിൽ കഴിയുന്ന ആളുകളുടെ മനസ്സിൽ സന്തോഷം നിറയ്ക്കുന്ന രീതിയിലായിരുന്നു ഈ വിരുതന്റെ പ്രവർത്തികൾ.

Read also: 26 വര്‍ഷത്തിനിടെ ഇടുക്കി ഡാം തുറന്നു; ഡാമിന്റെ ചരിത്രത്തിലൂടെ ഒരു യാത്ര