ആദ്യമായി ജെയിംസ് ബോണ്ട് ആകാൻ ഒരു കറുത്ത വംശജൻ

ഡാനിയേൽ ക്രെയ്ഗ് ജെയിംസ് ബോണ്ട് വേഷങ്ങൾ അവസാനിപ്പിക്കുന്ന ഘട്ടത്തിൽ അടുത്ത ജെയിംസ് ബോണ്ട് ഒരു കറുത്ത വംശജൻ ആകുമെന്ന് റിപ്പോർട്ടുകൾ. ഹോളിവുഡ് സൂപ്പർതാരമായ ഇദ്രിസ് എൽബയാണ് ഈ പട്ടികയിൽ മുന്നിൽ ഉള്ളത്. അടുത്ത ജെയിംസ് ബോണ്ട് ചിത്രത്തിന്റെ സംവിധായകനായ അന്റോയിങ് ഫാക്വ ജെയിംസ് ബോണ്ട് ചിത്രങ്ങളുടെ നിർമാതാവായ ബാർബറ ബ്രോക്കോളിയും ആയി നടത്തിയ ചർച്ചയെ കുറിച് ഒരു പ്രമുഖ മാധ്യമം വാർത്ത നൽകിയിരുന്നു. “വെളുത്തവൻ അല്ലാത്ത ഒരു നടൻ വരാൻ സമയം ആയി” എന്നാണ് ആ ചർച്ചയിൽ ഉരുത്തിരിഞ്ഞ ആശയം എന്നാണ് വാർത്തകൾ.

ഞങ്ങൾക്ക് സ്‌ട്രോങും ഫിറ്റും ആയ ഒരു നടനെ ആണ് വേണ്ടത്. അതിനു ഇദ്രിസ് യോഗ്യൻ ആണെന്നും സംവിധായകൻ പറഞ്ഞു. അതെ സമയം പ്രശസ്ത സിനിമാതാരം ജോർജ് ക്ലൂണി ഇദ്രിസ് ന്റെ വരവിനെ സ്വാഗതം ചെയ്തു. ഇതൊരു ചരിത്ര മാറ്റത്തിന്റെ തുടക്കം ആയിരിക്കും എന്നും ഇദ്രിസ്നു ജെയിംസ് ബോണ്ട് ആയി കസറാൻ കഴിയുമെന്നും ക്ലൂണി വ്യക്തമാക്കി.