അബുദാബി: വിമാനം തിരിക്കാൻ 13 മണിക്കൂര്‍ വൈകിയതോടെ കുഞ്ഞുങ്ങൾ ഉൾപ്പടെയുള്ള യാത്രക്കാർ ദുരിതത്തിലായി. ദുബായില്‍നിന്നും കോഴിക്കോട്ടേക്ക് പോകേണ്ടിയിരുന്ന എയര്‍ ഇന്ത്യാ എക്സ്പ്രസ് വിമാനമാണ് 13 മണിക്കൂര്‍ വൈകിയത്. ശനിയാഴ്ച വെളുപ്പിന് 2.15ന് പുറപ്പെടേണ്ടിയിരുന്ന ഐഎക്‌സ് 344 വിമാനത്തിലെ യാത്രക്കാരാണ് ദുരിതത്തിലായത്. സ്ത്രീകളും കുട്ടികളും ഉള്‍പെടെയുള്ള യാത്രക്കാര്‍ വിമാനത്താവളത്തിലെത്തി ഏറെ നേരം കാത്തിരുന്നിട്ടും കൗണ്ടര്‍ തുറക്കാതിരുന്നതിനെ തുടര്‍ന്ന് അന്വേഷിച്ചപ്പോഴാണ് വിമാനം കോഴിക്കോട്ടുനിന്ന് എത്തിയിട്ടില്ലെന്ന കാര്യം അറിയാൻ കഴിഞ്ഞത്.
ALSO READ:വിമാനം കാണാതായി
ഇതോടെ സമീപത്ത് നിന്ന് വന്നവർ തിരുച്ചു പോകണമെന്നും ദൂരെ നിന്ന് വന്നവർക്ക് ഹോട്ടൽ സൗകര്യം ഒരുക്കുമെന്നും അറിയിക്കുകയായിരുന്നു. 13 മണിക്കൂര്‍ കഴിഞ്ഞ ശേഷമാണ് വിമാനം കോഴിക്കോട്ടേക്ക് തിരിച്ചത്. വിമാനം സമയത്ത് എത്താതായതോടെ രാവിലെ മുതൽ തങ്ങളുടെ ഉറ്റവരെയും കാത്ത് കരിപ്പൂര്‍ വിമാനത്താവളത്തില്‍ നിന്നവരും വലഞ്ഞു.
Post Your Comments