വനിത സൂപ്പര്‍ ലീഗീല്‍ സ്മൃതി മന്ഥാന തകര്‍പ്പന്‍ ഫോമിൽ: വെസ്‌റ്റേണ്‍ സ്‌റ്റോമിനു ജയം

ലണ്ടന്‍: വനിത സൂപ്പര്‍ ലീഗീല്‍ വെസ്‌റ്റേണ്‍ സ്‌റ്റോമിന് തുടര്‍ച്ചയായ അഞ്ചാം വിജയം. ഇന്ത്യന്‍ താരം സ്മൃതി മന്ഥാന തകര്‍പ്പന്‍ ഫോമിൽ പ്രകടനം തുടരുന്നു. ലങ്കാഷെയര്‍ തണ്ടറിനെ 76 റണ്‍സിനാണ് വെസ്‌റ്റേണ്‍ സ്‌റ്റോം തോൽപ്പിച്ചത്.

ALSO READ: പതിനായിരം റണ്‍സ് തികച്ച് ധോണി ; ചരിത്രനേട്ടം കുറിക്കുന്ന നാലാമത്തെ ഇന്ത്യക്കാരന്‍

76 റണ്‍സ് നേടിയ ഹീത്തര്‍ നൈട്ടാണ് ടോപ് സ്‌കോറർ. ആദ്യം ബാറ്റ് ചെയത വെസ്റ്റേണ്‍ സ്റ്റോം നാല് വിക്കറ്റ് നഷ്ടത്തില്‍ 185 റണ്‍സെടുത്തു. മറുപടി ബാറ്റിങ്ങിനിറങ്ങിയ ലങ്കാഷെയറിനു 109 റണ്‍സിന് അടിയറവ് പറയേണ്ടി വന്നു. 33 റണ്‍സ് നേടിയ എലെനോര്‍ ത്രെല്‍ക്കെല്‍ഡാണ് ലങ്കഷെയറിന്റെ ടോപ് സകോറര്‍.

സീസണിലുടനീളം ഇതുവരെ മികച്ച ഫോമിലുള്ള സ്മൃതി 25 പന്തില്‍ നിന്ന് 49 റണ്‍സ് നേടി. സ്റ്റെഫാനി ടെയിലർ 51 റണ്‍സുമായി പുറത്താകാതെ നിന്നു. ഇന്ത്യന്‍ താരം ഹര്‍മ്മന്‍പ്രീത് കൗര്‍ എട്ട് റണ്‍സ് മാത്രമെടുത്ത് പുറത്തായി.