പശുവ്യാപാരിയെ മർദ്ദിച്ചു കൊലപ്പെടുത്തി

കോട്ട : പശുവ്യാപാരിയെ മർദ്ദിച്ചു കൊലപ്പെടുത്തി. ധനലാൽ ​ഗുജറാണ്(65) കൊല്ലപ്പെട്ടത്. രാജസ്ഥാനിലെ ബാരൻ ജില്ലയിലാണ്‌ സംഭവം. ധനലാലിന്റെ മകൻ വിറ്റ പശുക്കളിൽനിന്ന് ആവശ്യത്തിന് പാൽ ലഭിക്കുന്നില്ലെന്ന് പരാതിപ്പെട്ടായിരുന്നു കൊലപാതകം.

Read also:സ്വാഭാവികമെന്ന് കരുതിയ ഡോക്ടറുടെ മരണം കൊലപാതകം: മകൻ അറസ്റ്റിൽ

ബുധനാഴ്ച്ച വെെകിട്ടാണ് ധനലാലിന് മർദ്ദനമേറ്റത്. ഉടൻ ഇയാളെ കോട്ടയിലെ ആശുപത്രിയിൽ എത്തിച്ചെങ്കിലും മരിച്ചിരുന്നു. മരിച്ച ധനലാലിന്റെ മകനാണ് പ്രകാശ് ​ഗുജർ എന്നയാൾക്ക് പശുക്കളെ വിറ്റത്. എന്നാൽ പശുവിന് ആവിശ്യത്തിന് പാൽ ലഭിക്കാത്തതുമൂലം ഇരുവരും വാക് തർക്കമുണ്ടായിരുന്നു. സംഭവത്തിൽ പ്രകാശ് ​ഗുജർ എന്നയാൾക്കെതിരെ പോലീസ് കേസെടുത്തു. പ്രതി ഒളിവിലാണെന്ന് പൊലീസ് അറിയിച്ചു.