ന്യൂഡല്‍ഹി: മുതിർന്ന കോണ്‍ഗ്രസ് നേതാവും മുന്‍ പ്രധാനമന്ത്രി ഇന്ദിരാ ഗാന്ധിയുടെ വിശ്വസ്തനുമായിരുന്ന ആര്‍.കെ.ധവാന്‍(81) അന്തരിച്ചു. വാര്‍ധക്യ സഹജമായ അസുഖങ്ങളെ തുടര്‍ന്ന് ന്യൂഡല്‍ഹിയിലെ ബിഎസ് കാപുര്‍ ആശുപത്രിയില്‍ വെച്ച് തിങ്കളാഴ്ച വൈകിട്ടായിരുന്നു അന്ത്യം. മുതിര്‍ന്ന കോണ്‍ഗ്രസ് നേതാക്കളും മുന്‍ രാഷ്ട്രപതി പ്രണാബ് മുഖര്‍ജിയും ധവാന്‍റെ മരണത്തില്‍ അനുശോചിച്ചു.
മുന്‍ പ്രധാനമന്ത്രി ഇന്ദിരാ ഗാന്ധിയുടെ വിശ്വസ്തരില്‍ ഒരാളായാണ് മുന്‍ രാജ്യസഭാ എംപിയായ ധവാന്‍ അറിയപ്പെട്ടിരുന്നത്. 1962-ലാണ് ധവാന്‍ ഇന്ദിരാ ഗാന്ധിയുടെ പേഴ്സണല്‍ അസിസ്റ്റന്‍റായത്. ശേഷം 1984ല്‍ ഇന്ദിരാ ഗാന്ധി വധിക്കപ്പെടുന്നതുവരെ അദ്ദേഹം ആ പദവി വഹിച്ചിരുന്നു 1975-77 കാലത്ത് ഇന്ദിരാ ഗാന്ധി അടിയന്തരാവസ്ഥ പ്രഖ്യാപിച്ചപ്പോഴും ധവാന്‍ പ്രധാനമന്ത്രിക്കൊപ്പം തുടര്‍ന്നിരുന്നു.
Post Your Comments