അഞ്ച്‌ വയസുകാരിയെ പീഡിപ്പിച്ച 19കാരൻ അറസ്റ്റിൽ

മഹാരാഷ്ട്ര: അഞ്ച്‌ വയസുകാരിയെ പീഡിപ്പിച്ച 19കാരനെ പോലീസ് അറസ്റ്റ് ചെയ്‌തു. മഹാരാഷ്ട്രയിലെ ഫൽഗാർ ജില്ലയിലാണ് സംഭവം. കഴിഞ്ഞ ദിവസമായിരുന്നു സംഭവം. കുട്ടിയുടെ മാതാപിതാക്കൾ തൊഴുത്തിൽ പോയ സമയം നോക്കി വീട്ടിൽ കയറിയ പ്രതി മിഠായി നൽകാമെന്ന് പറഞ്ഞ് കുട്ടിയെ വശീകരിക്കുകയായിരുന്നു.

ALSO READ: ദുബായിൽ 23കാരിയെ വീട്ടിൽ കയറി പീഡിപ്പിച്ചു; ദൃശ്യങ്ങൾ ഫോണിൽ പകർത്തി

തുടർന്ന് കുട്ടിയുമായി കടന്ന യുവാവ് ഇയാളുടെ സഹോദരിയുടെ വീട്ടിൽ എത്തുകയും അവിടെവെച്ച് കുട്ടിയെ പീഡിപ്പിക്കുകയുമായിരുന്നു. വീട്ടിൽ തിരികെയെത്തിയ കുട്ടിയുടെ മാതാപിതാക്കൾ വിവരമറിഞ്ഞതും പോലീസിൽ പരാതി നൽകുകയായിരുന്നു. തുടർന്ന് കഴിഞ്ഞ ദിവസം രാത്രിയിൽ തന്നെ പ്രതിയെ പോലീസ് അറസ്റ്റ് ചെയ്‌തു. പ്രതിക്കെതിരെ പോക്സോ ഉൾപ്പടെയുള്ള വകുപ്പുകൾ ചുമത്തി കേസെടുത്തു.