സ്‌നാപ്ചാറ്റിലൂടെ സ്വവർഗ ലൈംഗിക തൊഴിൽ; പ്രവാസി യുവാവിന് ദുബായിൽ സംഭവിച്ചത്

ദുബായ്: ദുബായിൽ സ്‌നാപ്ചാറ്റിലൂടെ ലൈംഗിക തൊഴിൽ നടത്തിയ പ്രവാസി യുവാവ് വിചാരണ നേരിടുന്നു. സ്വവർഗാനുരാഗിയായ യുവാവ് സ്‌നാപ്ചാറ്റിലൂടെ തന്നെ സ്വയം വിൽക്കുകയായിരുന്നു. 22കാരനായ മൊറോക്കൻ യുവാവ് വിസിറ്റിംഗ് വിസയിലാണ് ദുബായിൽ എത്തിയത്. ശേഷം ഇയാൾ സ്‌നാപ്ചാറ്റിൽ ഇയാളുടെ നഗ്ന വീഡിയോകൾ പോസ്റ്റ് ചെയ്യുകയും ലൈംഗിക തൊഴിലിന് ആവശ്യക്കാരെ തിരയുകയുമായിരുന്നു.

ALSO READ: പെണ്‍കുട്ടിയെ തട്ടികൊണ്ടുപോയ സ്വവർഗാനുരാഗിയായ തിരുവനന്തപുരം സ്വദേശിനി അറസ്റ്റിൽ

പോലീസ് നടത്തിയ ചോദ്യംചെയ്യലിൽ പ്രതി കുറ്റം സമ്മതിച്ചിട്ടുണ്ട്. ദുബായിലെ അൽ ഖുസൈസ് പോലീസ് സ്റ്റേഷനിലാണ് ഇയാൾക്കെതിരെയുള്ള കേസ് രജിസ്റ്റർ ചെയ്‌തിട്ടുള്ളത്‌. ജൂൺ 20നാണ് പോലീസ് പ്രതിയെ അറസ്റ്റ് ചെയ്‌തത്‌.ജോലി തേടിയാണ് താൻ ദുബായിൽ എത്തിയതെന്നും, ശേഷം ലൈംഗിക തൊഴിലിലൂടെ പണം കണ്ടെത്തുകയായിരുന്നുവെന്നും പ്രതി പോലീസിനോട് പറഞ്ഞു. ഓഗസ്റ്റ് 12ന് കേസിൽ കോടതി വിധി പറയും.