ന്യൂഡല്‍ഹി: കാമുകിമാര്‍ക്ക് വേണ്ടി മോഷണം നടത്തുന്ന 63 കാരൻ പിടിയിൽ. ഡല്‍ഹി സ്വദേശി ബന്ധുറാമിനെയാണ് കാമുകിമാരുടെ ആഡംബരജീവിതത്തിന് വേണ്ടി ഇലക്‌ട്രോണിക് സാധനങ്ങളും പണവും മോഷ്ടിച്ച കേസില്‍ പോലീസ് അറസ്റ്റു ചെയ്തത്. കുടുംബത്തില്‍ നിന്നും അകന്നുകഴിഞ്ഞിരുന്ന ഇയാൾക്ക് അഞ്ച് കാമുകിമാരാണുള്ളത്. മോഷ്ടിക്കുന്നതില്‍ ഭൂരിഭാഗവും ഇവര്‍ക്ക് സമ്മാനമായി നല്‍കുകയായിരുന്നു പതിവ്.
Read also: തലസ്ഥാനത്ത് മദ്യവില്‍പ്പനശാല കുത്തിത്തുറന്ന് വന്‍ മോഷണം
അതേസമയം തങ്ങൾക്ക് നൽകിയത് മോഷണമുതൽ ആണെന്ന് അറിയില്ലായിരുന്നു എന്നായിരുന്നു സംഭവം പുറത്തായപ്പോൾ കാമുകിമാരുടെ പ്രതികരണം. മാത്രമല്ല ബന്ധുറാമിന് അഞ്ചു കാമുകിമാരുള്ളതായി ഇവർക്ക് പരസ്‌പരം അറിയില്ലായിരുന്നു. കഴിഞ്ഞ ശനിയാഴ്ച വടക്കന്‍ ഡല്‍ഹിയിലെ ഒരു ഫാക്ടറിയില്‍ നിന്ന് രണ്ട് ലാപ്‌ടോപുകളും ടിവിയും 60000 രൂപയുമാണ് ബന്ധുറാം കവര്‍ച്ച ചെയ്തത്. സിസിടിവി ദൃശ്യങ്ങളിൽ നിന്നാണ് പ്രതിയെ തിരിച്ചറിഞ്ഞത്.
Post Your Comments