കായംകുളം: മുസ്ലിം പള്ളിയില്‍ നിന്നും ചന്ദന മരങ്ങള്‍ മോഷണം പോയി. കായംകുളം ടൗണ്‍ മസ്ജിദ് പള്ളിയുടെ പരിസരത്ത് നിന്നുമാണ് പതിനഞ്ച് വര്‍ഷത്തോളം പ്രായമുള്ള രണ്ട് മരങ്ങളാണ് മുറിച്ചുകടത്തിയത്. കട്ടര്‍ മെഷീന്‍ ഉപയോഗിച്ച് മുറിച്ചു മാറ്റിയ നിലയിലാണ്. ഇന്ന് പുലര്‍ച്ചെയാണ് മരങ്ങള്‍ മോഷണം പോയത്.
Also Read : വീട്ടു വളപ്പില്‍ ഈ മരങ്ങള്‍ നട്ടാല്‍ ദോഷമോ?
പള്ളിയുടെ പിന്‍ഭാഗത്ത് നിന്ന മരങ്ങളാണ് അപഹരിച്ചത്. പള്ളിയില്‍ സിസിടിവി കാമറകള്‍ സ്ഥാപിച്ചിട്ടുണ്ടെങ്കിലും ഇത് തിരിച്ചുവച്ച നിലയിലാണ്. കായംകുളം പോലീസ് അന്വേഷണം ആരംഭിച്ചു. സിസിടിവി ദൃശ്യങ്ങളുടെ അടിസ്ഥാനത്തില്‍ അന്വേഷണം നടത്താനാണ് പോലീസിന്റെ തീരുമാനം.
Post Your Comments