ന്യൂഡല്‍ഹി: തന്റെ കയ്യില്‍ കളിത്തോക്കല്ല എന്ന് യുവാവ് പറഞ്ഞിട്ടും അത് വിശ്വസിക്കാതിരുന്ന യുവതിയെ വിശ്വസിപ്പിക്കാനായി യുവാവ് വെടിയുതിര്‍ക്കുകയും, യുവതി കൊല്ലപ്പെടുകയും ചെയ്ത സംഭവത്തില്‍ യുവാവ് അറസ്റ്റിലായി. നിഷ്തി എന്ന യുവതിയാണ് വെടിയേറ്റ് മരിച്ചത്. സംഭവത്തെ തുടര്‍ന്ന് സണ്ണി എന്നയാളെ പൊലീസ് അറസ്റ്റ് ചെയ്തു. ദില്‍ഷാദ് ഗാര്‍ഡനില്‍ താമസിക്കുന്ന ഉഷ എന്ന സ്ത്രീയെ അവരുടെ വസതിയില്‍ കാണാനെത്തിയതായിരുന്നു നിഷ്തി. സണ്ണിയും ആ സമയം അവിടെയുണ്ടായിരുന്നു.
തോക്ക് വ്യാജമല്ലെന്നു തെളിയിക്കാനുള്ള സണ്ണിയുടെ ശ്രമത്തിനിടെ നിഷ്തിക്ക് അബദ്ധത്തില്‍ വെടിയേല്‍ക്കുകയായിരുന്നുവെന്നും വയറിലാണ് വെടിയേറ്റതെന്നും പൊലീസ് വ്യക്തമാക്കി. സംഭവസമയത്ത് സണ്ണി ലഹരി ഉപയോഗിച്ചിട്ടുണ്ടായിരുന്നു.
Post Your Comments