ജൊഹാന്നസ്ബര്‍ഗ്: അജ്ഞാതന്‍ നടത്തിയ വെടിവെയ്പില്‍ നിരവധി ഡ്രൈവര്‍മാര്‍ കൊല്ലപ്പെട്ടു. ദക്ഷിണാഫ്രിക്കയിലെ ജൊഹാന്നസ്ബര്‍ഗില്‍ ഗൗടെംഗ് ടാക്സി അസോസിയേഷനിലെ 11 ടാക്സി ഡ്രൈവര്‍മാരാണ് കൊല്ലപ്പെട്ടത്. നാലുപേര്‍ക്ക് പരുക്കേറ്റിട്ടുണ്ട്. ഇവരുടെ നില ഗുരുതരമാണ്. സുഹൃത്തിന്റെ ശവസംസ്‌കാര ചടങ്ങുകളില്‍ പങ്കെടുത്ത് മടങ്ങവെ ഡ്രൈവര്‍മാര്‍ സഞ്ചരിച്ചിരുന്ന വാഹനത്തിനുനേരെ അജ്ഞാതന്‍ വെടിയുതിര്‍ക്കുകയായിരുന്നു.
കൂടുതലും മിനി ബസുകളും ടാക്സികളുമാണ് പൊതു ഗതാഗതത്തിനായി ദക്ഷിണാഫ്രിക്കയിലുള്ളത്. അതിനാൽ തന്നെ ടാക്സി ഡ്രൈവർമാർക്കിടയിൽ കലഹങ്ങൾ പതിവാണ്. ഇതായിരിക്കാം ആക്രമണത്തിനുപിന്നിലെന്നു സംശയിക്കുന്നതായും സംഭവത്തിൽ കേസന്വേഷണം പുരോഗമിച്ചു വരികയാണെന്നും പോലീസ് പറഞ്ഞു.
Also read : കരുനാഗപ്പള്ളിയില്‍ അന്യസംസ്ഥാന തൊഴിലാളിയെ ദുരൂഹ സാഹചര്യത്തില്‍ മരിച്ച നിലയില്‍
Post Your Comments