ഹരിപ്പാട്: ഹരിപ്പാട് പള്ളിപ്പാട് പഞ്ചായത്ത് മൂന്നാം വാര്‍ഡിലെ ദുരിതാശ്വാസ ക്യാമ്പിലെത്തിയ ദളിതരെ ഒരുവിഭാഗം ജാതീയമായി അധിക്ഷേപിച്ചെന്ന് പരാതി. ദളിതരായ ഇവർ എത്തിയതില്‍ പ്രതിഷേധിച്ച് ഇവിടുണ്ടായിരുന്ന ഒരുവിഭാഗം ക്രൈസ്തവര്‍ ക്യാമ്പ് ബഹിഷ്‌കരിക്കുകയായിരുന്നുവെന്നാണ് ആരോപണം. കൂടാതെ ദളിതര്‍ ഉണ്ടാക്കുന്ന ഭക്ഷണം കഴിക്കില്ലെന്ന് ചിലര്‍ പരസ്യമായി നിലപാടെടുക്കുകയും ചെയ്തു.
സംഭവം വിവാദമായതോടെ വില്ലേജ് ഓഫീസറും പഞ്ചായത്ത് അംഗവും സ്ഥലത്ത് എത്തി ഇരുവിഭാഗങ്ങളെയും രണ്ടിടങ്ങളിലേക്ക് മാറ്റുകയും ചെയ്തു. 28 ക്രൈസ്തവ കുടുംബങ്ങളും 22 പട്ടികജാതി കുടുംബങ്ങളും അടങ്ങുന്നതായിരുന്നു ക്യാമ്പ്. ഹിന്ദു ഐക്യവേദി ജില്ലാ വൈസ് പ്രസിഡന്റ് ശ്രേയസ് ക്യാമ്പ് സന്ദർശിച്ചു.
Post Your Comments