യുഎഇ: യുഎഇയില്‍ ചെറിയ ജോലികള്‍ ചെയ്തിരുന്ന മലയാളിയായ പ്രവാസിയെ കാണാതായിട്ട് മൂന്ന് മാസം. അബ്ദുള്‍ ലത്തീഫ് എന്നയാളെയാണ് കാണാതായത്. അബുദാബിയില്‍ ചെറിയ ജോലികള്‍ ചെയ്തിരുന്ന അദ്ദേഹം പുണ്യമാസമായ റമദാന്‍ ആരംഭിച്ച് കുറച്ച് ദിവസങ്ങള്‍ കഴിഞ്ഞപ്പോള്‍ കാണാതാവുകയായിരുന്നു എന്നാണ് വിവരം.
READ ALSO: Search യുഎഇ യുഎഇയിൽ ഈ നിയമലംഘനത്തിന് കനത്ത പിഴ
മെയ് 16 മുതലാണ് അബ്ദുള്‍ ലത്തീഫിനെ കാണാതാവുന്നത്. തങ്ങള്‍ക്ക് കഴിയുന്ന പോലെയൊക്കെ തിരക്കിയെന്ന് അബ്ദുള്‍ ലത്തീഫിന്റെ സഹോദരി ഭര്‍ത്താവ് പറഞ്ഞു. 38കാരനായ അബ്ദുള്‍ ലത്തീഫ് കണ്ണൂര്‍ കാരനാണ്. ആശുപത്രികളിലും മോര്‍ച്ചറികളിലും വരെ അന്വേഷണം നടത്തിയതായി അദ്ദേഹം പറഞ്ഞു.
ഭാര്യയും നാല് വയസുള്ള മകളുമാണ് അബ്ദുള്‍ ലത്തീഫിനുള്ളത്. ഇപ്പോള്‍ അബ്ദുള്‍ ലത്തീഫിനെ കണ്ടെത്താനായി പൊതുജനങ്ങളുടെ സഹായം തേടുകയാണ് ബന്ധുക്കള്‍. ഇദ്ദേഹത്തെ കുറിച്ച് എന്തെങ്കിലും വിവരം ലഭിക്കുന്നവര്‍ 0507112435 എന്ന നമ്പറില്‍ ബന്ധപ്പെടണമെന്നും ബന്ധുക്കളുടെ അഭ്യര്‍ത്ഥനയുണ്ട്.
Post Your Comments