കേരളത്തിന് നാണംകെട്ട തോൽവി

ബെംഗളൂരു: തിമ്മപ്പയ്യ ട്രോഫിയില്‍ കര്‍ണ്ണാടകയ്ക്കെതിരെ കേരളത്തിന് നാണം കെട്ട തോല്‍വി. ഇന്നിങ്സിനും 180 റണ്‍സിനുമാണ് കേരളം കര്‍ണ്ണാടകയോട് ദയനീയമായി പരാജയപ്പെട്ടത്. കര്‍ണ്ണാടക ആദ്യ ഇന്നിങ്സിൽ ഉയർത്തിയ 613/8 എന്ന കൂറ്റൻ സ്കോര്‍ പിന്തുടർന്ന കേരളം ആദ്യ ഇന്നിംഗ്സില്‍ 195 റണ്‍സിനു പുറത്തായിരുന്നു. ഫോളോ ഓണ്‍ ചെയ്യാൻ നിർബന്ധിക്കപ്പെട്ട കേരളത്തെ രണ്ടാം ഇന്നിംഗ്സില്‍ 238 റൺസിന് എറിഞ്ഞിട്ടതോടെ കർണാടക ആധികാരിക വിജയം സ്വന്തമാക്കുകയായിരുന്നു.

Also Read: ലോകകപ്പ് ഫുട്ബോൾ; ആരാധകർക്ക് നിർദേശവുമായി ഖത്തർ എയർവേയ്‌സ്

രണ്ടാം ഇന്നിങ്സിൽ 99 റണ്‍സ് നേടി പുറത്തായ അക്ഷയ് ചന്ദ്രന്‍ ആണ് കേരളത്തിന് വേണ്ടി കുറച്ചെങ്കിലും മാന്യമായ രീതിയിൽ ബാറ്റ് ചെയ്തത്. ശ്രേയസ് ഗോപാല്‍ കര്ണാടകയ്ക്ക് വേണ്ടി രണ്ടാം ഇന്നിംഗ്സിൽ നാല് വിക്കറ്റ് നേടിയപ്പോള്‍ കൃഷ്ണപ്പ ഗൗതം പവന്‍ ദേശ്പാണ്ഡേ എന്നിവര്‍ രണ്ട് വീതം വിക്കറ്റ് നേടി വിജയത്തിൽ പങ്കാളികളായി.