കോട്ടയം: സര്‍വകലാശാല ഇന്ന് നടത്താനിരുന്ന പരീക്ഷകള്‍ മാറ്റിവെച്ചു. തുടര്‍ച്ചയായുണ്ടാകുന്ന കനത്ത മഴയെ തുടര്‍ന്നാണ് മഹാത്മാഗാന്ധി സര്‍വകലാശാല ഇന്ന് നടത്താനിരുന്ന പരീക്ഷകള്‍ മാറ്റിവെച്ചത്. സംസ്ഥാനത്ത് പലയിടത്തും മഴക്കെടുതി തുടരുന്നതിനാല്‍ ഇന്നലെ കേരള സര്‍വകലാശാലയും ഇന്ന് നടത്താനിരുന്ന പരീക്ഷകള്‍ മാറ്റിവെച്ചിരുന്നു.
Also Read : സ്‌കൂളുകളിലെ പരീക്ഷകള്‍ ഇനി ക്യാമറ നിരീക്ഷണത്തില്‍
സംസ്ഥാനത്തൊട്ടാകെ കനത്തമഴ തുടരുകയാണ്. മഴയെത്തുടര്‍ന്ന് പലയിടങ്ങളിലും വെള്ളം കയറിയും മണ്ണിടിഞ്ഞും മരങ്ങള്‍ കടപുഴകി വീണും ട്രെയില്‍ ഗതാഗതം ഉള്‍പ്പെടെ തടസ്സപ്പെട്ടിരിക്കുകയാണ്. കൂടാതെ തിരുവനന്തപുരം മുതല്‍ തൃശൂര്‍ വരെയുള്ള സംസ്ഥാനങ്ങളില്‍ എല്ലാ വിദ്യാഭ്യാസ സ്ഥാപനങ്ങള്‍ക്കും അതാത് ജില്ലകളിലെ കലക്ടര്‍മാര്‍ അവധി പ്രഖ്യാപിച്ചിരുന്നു.
വ്യാഴാഴ്ച വരെ ശക്തമായ മഴ തുടരുമെന്നാണ് കാലാവസ്ഥാ കേന്ദ്രത്തിന്റെ മുന്നറിയിപ്പ്. ഒഡിഷ തീരത്തെ ന്യൂനമര്‍ദ്ദമാണ് കേരളത്തിലെ തെക്കന്‍ ജില്ലകളില്‍ മഴ കനക്കാന്‍ കാരണമായത്. കേരള, ലക്ഷദ്വീപ് തീരങ്ങളില്‍ മണിക്കൂറില്‍ 70 കിലോമീറ്റര്‍ വേഗത്തില്‍ കാറ്റു വീശുന്നതിനാല്‍ മല്‍സ്യത്തൊഴിലാളികള്‍ കടലില്‍ പോകരുതെന്നും മുന്നറിയിപ്പുണ്ട്.
Post Your Comments