ബംഗളൂരു: വീണ്ടും ജനക്കൂട്ട ക്രൂരത അരങ്ങേറുന്നു.കുട്ടികളെ തട്ടിക്കൊണ്ടുപോകുന്ന സംഘമാണെന്നാരോപിച്ച്‌ ജനക്കൂട്ടം നടത്തിയ ആക്രമണത്തില്‍ ഒരാള്‍ കൊല്ലപ്പെടുകയും രണ്ടു പേര്‍ക്ക് പരിക്കേല്‍ക്കുകയും ചെയ്തു. കര്‍ണാടകയിലെ ബിദര്‍ ജില്ലയിലെ മുര്‍കിയിലാണ് സംഭവം.
ഹൈദരാബാദ് സ്വദേശിയായ മുഹമ്മദ് അസം എന്ന ഇരുപത്തിയാറുകാരാനാണ് മരിച്ചത്. ഇയാളുടെ സുഹൃത്തുക്കളായ തല്‍ഹ ഇസ്മായില്‍, മുഹമ്മദ് സല്‍മാന്‍ എന്നിവരെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.
Read also:സൗദിയില്‍ കുടുങ്ങി നരക ജീവിതം നയിച്ചിരുന്ന മലയാളികള്‍ അടങ്ങുന്ന സംഘത്തിന് ഒടുവില്‍ മടക്കം
മൂവരും സുഹൃത്തായ മുഹമ്മദ് ബഷീറിന്‍റെ ഹാന്‍ഡികേരയിലെ വീട്ടിലേക്ക് വരുന്നതിനിടെയാണ് സംഭവമുണ്ടായത്. ഭക്ഷണം കഴിക്കാനായി ബാല്‍കുടില്‍ വാഹനം നിര്‍ത്തിയപ്പോള്‍ ഇസ്മായില്‍ തന്‍റെ കൈവശമുണ്ടായിരുന്ന ചോക്ലേറ്റുകള്‍ സ്കൂള്‍ കുട്ടികള്‍ക്ക് നല്‍കി. ഇതുകണ്ട് കുട്ടികളെ തട്ടിക്കൊണ്ടുപോകുന്ന സംഘമെന്ന് കരുതി നാട്ടുകാർ ആക്രമിക്കുകയായിരുന്നു. സംഭവത്തിൽ നാട്ടുകാരിൽ ചിലർക്കെതിരെ കൊലപാതകത്തിന് പോലീസ് കേസെടുത്തിട്ടുണ്ട്.
Post Your Comments