സന്തോഷാശ്രുക്കളോടെ അല്ലാതെ ഇന്ത്യക്കാര്‍ക്ക്​ ഇൗ ദൃശ്യങ്ങള്‍ കാണാനാകില്ല; ഹിമ ദാസിന്റെ ദേശസ്നേഹത്തെ അഭിനന്ദിച്ച് പ്രധാനമന്ത്രി

ന്യൂഡല്‍ഹി: ലോക ജൂനിയര്‍ അത്​ലറ്റിക്​ മീറ്റില്‍ സ്വർണം നേടിയ ഹിമ ദാസിനെ അഭിനന്ദിച്ച് പ്രധാനമന്ത്രി നരേന്ദ്രമോദി. തന്റെ ട്വിറ്റർ അക്കൗണ്ടിലൂടെയായിരുന്നു അദ്ദേഹത്തിന്റെ പ്രതികരണം. ഹിമയുടെ ദേശസ്നേഹം തന്നെ ആഴത്തിൽ സ്‌പർശിച്ചതായും വിജയിച്ച ശേഷം ഉയർത്തിപ്പിടിക്കാൻ ഇന്ത്യന്‍ പതാക തേടി നടന്നതും പുരസ്കാരദാന സമയത്ത്​ ഇന്ത്യന്‍ ദേശീയഗാനം ഉയര്‍ന്നു കേട്ടപ്പോള്‍ ഹിമ കരഞ്ഞതും തന്നെ സ്‌പർശിച്ചതായി പ്രധാനമന്ത്രി വ്യക്തമാക്കി. സന്തോഷാശ്രുക്കളോടെ അല്ലാതെ ഇന്ത്യക്കാര്‍ക്ക്​ ഇൗ ദൃശ്യങ്ങള്‍ കാണാനാകില്ലെന്നും അദ്ദേഹം ട്വീറ്റ് ചെയ്‌തു.

Unforgettable moments from @HimaDas8’s victory.
Seeing her passionately search for the Tricolour immediately after winning and getting emotional while singing the National Anthem touched me deeply. I was extremely moved.
Which Indian won’t have tears of joy seeing this! pic.twitter.com/8mG9xmEuuM

— Narendra Modi (@narendramodi) July 14, 2018