മൂന്നാം സ്ഥാനമുറപ്പിക്കാൻ ഇംഗ്ലണ്ടും ബെൽജിയവും ഇന്നിറങ്ങും

മോസ്കോ: ലോകകപ്പിലെ മൂന്നാം സ്ഥാനമുറപ്പിക്കാനുള്ള പരാജിതരുടെ ഫൈനലില്‍ ഇന്ന് ഇംഗ്ലണ്ട് ബെല്‍ജിയത്തെ നേരിടും. ഇന്ത്യന്‍ സമയം രാത്രി 7.30-ന് സെന്റ് പീറ്റേഴ്സ്ബര്‍​ഗിലാണ് മത്സരം അരങ്ങേറുക. വിജയത്തോടെ മടങ്ങാനുള്ള ഒരുക്കത്തിലാണ് ഇരു ടീമുകളും. ആദ്യ റൗണ്ടില്‍ ഇവര്‍ ഏറ്റുമുട്ടിയപ്പോള്‍ വിജയം ബെൽജിയത്തിനൊപ്പമായിരുന്നു.

Also Read: മുട്ടക്കറി പാകം ചെയ്ത് നല്‍കാത്തതിന്റെ പേരില്‍ ഭര്‍ത്താവ് ഭാര്യയെ വെടിവച്ചു കൊന്നു

ലോകകപ്പ് തുടങ്ങുമ്പോൾ മികച്ച പ്രകടനത്തോടെ കിരീട സാധ്യത കല്‍പ്പിക്കപ്പെട്ട ടീമുകളായിരുന്നു ഇംഗ്ലണ്ടും ബെല്‍ജിയവും. എന്നാൽ ഏവരെയും അത്ഭുതപ്പെടുത്തി ക്രൊയേഷ്യയും ഫ്രാന്‍സും അവരുടെ സ്വപ്‌നങ്ങളെ തകര്‍ത്തുകൊണ്ട് ഫൈനലില്‍ വന്നു.

ഏറ്റവും മികച്ച ഇലവനുമായിട്ടായിരിക്കും ഇരു ടീമുകളും ഇന്ന് ഇറങ്ങുക. ഗ്രൂപ്പ് ഘട്ടത്തിൽ ഏറ്റുമുട്ടിയപ്പോള്‍ എതിരില്ലാത്ത ഒരു ഗോളിനായിരുന്നു ബെല്‍ജിയം ഇംഗ്ലണ്ടിനെ തോല്‍പ്പിച്ചത്. സെമിയില്‍ എതിരില്ലാത്ത ഒരു ഗോളിനായിരുന്നു ഫ്രാന്‍സ് ബെല്‍ജിയത്തെ തോല്‍പ്പിച്ചത്. മറ്റൊരു മത്സരത്തിൽ 2-1 എന്ന സ്കോറിനായിരുന്നു നായിരുന്നു ക്രൊയേഷ്യ ഇംഗ്ലണ്ടിന്റെ ലോകകപ്പ് സ്വപ്നങ്ങളെ തകർത്തെറിഞ്ഞത്.