തിരുവനന്തപുരത്ത് ബൈക്കുകളുടെ മത്സരയോട്ടം : സ്ത്രീകളെ ഇടിച്ചു തെറിപ്പിച്ചു; രണ്ട് പേരുടെ നില ഗുരുതരം

തിരുവനന്തപുരം: മത്സരയോട്ടം നടത്തിയ ബൈക്കുകള്‍ വഴിയാത്രക്കാരായ സ്ത്രീകളെ ഇടിച്ചുതെറിപ്പിച്ചു.നെടുങ്കാട് സ്വദേശികളായ ജ്യോതി, ലക്ഷ്മി, തുളസി എന്നിവര്‍ക്കാണ് പരിക്കേറ്റത്. ഇവരെ തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചു. ഇവരില്‍ രണ്ട് പേരുടെ നില ഗുരുതരമാണ്.

തിരുവനന്തപുരം കവടിയാര്‍ അമ്പലമുക്ക് റോഡിലാണ് അപകടം. മത്സരയോട്ടം നടത്തിയ ഒരു ബൈക്ക് പൊലീസ് വെട്ടിച്ചു കടന്നു. പരിക്കേറ്റ ബൈക്ക് യാത്രികരെയും ആശുപത്രിയില്‍ പ്രവേശിപ്പിച്ചു.