അബുദാബി: എക്‌സ്ട്രാ ഓര്‍ഡിനറി അബൂദാബി പാസില്‍ കൂടുതല്‍ ഓഫറുകൾ അനുവദിച്ച് ഇത്തിഹാദ് എയര്‍ വേയ്‌സ്. റസ്റ്റോറന്റുകളിലും വിനോദ കേന്ദ്രങ്ങളിലും പഞ്ചനക്ഷത്ര ഹോട്ടലുകളിലും 50 ശതമാനം വരെ ഡിസ്‌കൗണ്ട് ഇതിലൂടെ സ്വന്തമാക്കാം. യാസ് മാള്‍, ഫിഷ് ആന്‍ഡ് കോ, മിസ്റ്റര്‍ ഗ്രീക്ക്, അല്‍ ഫനര്‍ എന്നിവിടങ്ങളില്‍ 20 ശതമാനം ഡിസ്‌കൗണ്ടാണ് ഇത്തിഹാദിന്റെ ബോര്‍ഡിംഗ് പാസ് ഉള്ളവര്‍ക്ക് ലഭിക്കുകയെന്ന് ഇത്തിഹാദ് എയര്‍ വേയ്‌സ് മാര്‍ക്കറ്റിംഗ് വൈസ് പ്രസിഡന്റ് ടിം ബര്‍ണല്‍ അറിയിച്ചു.
സാഹസികത ഇഷ്ടപ്പെടുന്നവർക്കും നിരവധി ഓഫറുകൾ ഒരുക്കിയിട്ടുണ്ട്. അല്‍ ഐനിലെ ലെഷ്വര്‍ ട്രെയിന്‍ ടൂറിസം ടൂര്‍സില്‍ 20 ശതമാനം ഡിസ്‌കൗണ്ട് ലഭിക്കും. ഹല അബൂദാബി ടൂര്‍സ്,സ്റ്റോറി ഓഫ് അബൂദാബി സിറ്റി ടൂര്‍, മോണിംഗ് ഡെസേര്‍ട്ട് ഡ്രൈവ്, ഡെസേര്‍ട്ട് സണ്‍സെറ്റ് ഡ്രൈവ് ആന്‍ഡ് ബിബി ക്യു എന്നിവിടങ്ങളിൽ 50 ശതമാനം ഇളവാണ്‌ നൽകുന്നത്.
Post Your Comments