ബൈക്ക് അപകടത്തിൽപ്പെട്ട് യുവതിയെ ബസ് കയറിയിറങ്ങുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത് (വീഡിയോ)

മുംബൈ: മുംബൈയിൽ കനത്ത മഴയെത്തുടർന്ന് ബൈക്ക് അപകടത്തിപ്പെട്ട് യാത്രക്കാരിയുടെ പുറത്ത് ബസ് കയറിയിറങ്ങുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. മഹാരാഷ്ട്രയിലെ കല്യാണിലാണ് സംഭവം. മഴയെ തുടർന്ന് റോഡിൽ വെള്ളംകെട്ടിക്കിടക്കുകയായിരുന്നു. റോഡിലെ കുഴിയിൽ ബൈക്ക് വീഴുകയും ബൈക്കിന് പുറകിലിരുന്ന യുവതി പുറകിലോട്ട് മറിയുകയുമായിരുന്നു. യുവതി വീണതും ബസ് കയറിയിറങ്ങുകയായിരുന്നു. ഇവരെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സ്‌കൂൾ ജീവനക്കാരിയായ മാനിഷ് ബോയ്‌റാണ് മരിച്ചത്. സംഭവത്തിന്റെ ദൃശ്യങ്ങൾ സമീപത്തെ സിസിടിവിയിൽ പതിയുകയായിരുന്നു. കഴിഞ്ഞ ദിവസമായിരുന്നു അപകടമുണ്ടായത്.

ALSO READ: മുംബൈയിൽ കനത്ത മഴയെ തുടർന്ന് പാലം തകർന്നു വീണു