ആലപ്പുഴ : അമ്പലപ്പുഴയില്‍നിന്ന് കാണാതായ യുവാവിന്റെ ഭാര്യ വായ്പാ തട്ടിപ്പിന് അറസ്റ്റിലായി. 10 ദിവസം മുന്‍പു കാണാതായ ചെറുവള്ളിക്കാട് അലക്‌സിന്റെ ഭാര്യ മീനയെയാണ് (24) വിദ്യാഭ്യാസ വായ്പയുടെ പേരില്‍ പണം തട്ടിയതിന് അമ്പലപ്പുഴ പൊലീസ് അറസ്റ്റ് ചെയ്തത്. മീനയെ കോടതി റിമാന്‍ഡ് ചെയ്തു. കഴിഞ്ഞ 27 മുതലാണ് അലക്‌സിനെ കാണാതായത്. പിറ്റേന്ന് അലക്‌സിന്റെ ബൈക്കും മൊബൈല്‍ ഫോണും പഴ്‌സും തോട്ടപ്പള്ളി സ്പില്‍വേയ്ക്കു സമീപം കണ്ടെത്തിയിരുന്നു.
രണ്ടു ബന്ധുക്കളുടെ പരാതിയിലാണ് മീനയെ അറസ്റ്റ് ചെയ്തത്. വിദ്യാഭ്യാസ വായ്പ ശരിയാക്കാമെന്നു പറഞ്ഞ് ഒരു ബന്ധുവില്‍നിന്ന് 87,000 രൂപയും മറ്റൊരു ബന്ധുവില്‍നിന്ന് 82,000 രൂപയും മീന വാങ്ങിയെന്നാണു പരാതി. അലക്‌സ് അറിയാതെയാണ് മീന സാമ്പത്തിക ഇടപാടുകള്‍ നടത്തിയതെന്നു പൊലീസ് പറയുന്നു.
Post Your Comments