ഹൈദരാബാദ്: ജുവലറിയില്‍ കയറി ദമ്പതികളുടെ പരാക്രമണം. ഉടമയെ മര്‍ദ്ദിച്ചശേഷം കണ്ണില്‍ മുളക്‌പൊടി വിതറി സ്വര്‍ണവും പണവും മോഷ്ടിച്ചു. സംഭവത്തിന്റെ സിസി ടിവി ദൃശ്യങ്ങള്‍ പുറത്തെത്തി. ഹൈദരാബാദിലെ ബീരംഗുദയിലാണ് സംഭവം.
READ ALSO: വൈദീകനൊപ്പം കഴിഞ്ഞ കൊച്ചിയിലെ ആഡംബര ഹോട്ടൽ ബില്ല്‌ നൽകാൻ യുവതി ഏഴരപ്പവൻ മോഷ്ടിച്ചു : കൂടുതൽ വിവരങ്ങൾ
ജയ് ഭവാനി ജുവലേഴ്‌സ് ഉടമ ജയറാ(32)മിന് നേരെയാണ് ആക്രമണം ഉണ്ടായത്. ദമ്പതികളെ എതിര്‍ക്കാന്‍ ജയറാം ശ്രമിച്ചെങ്കിലും സാധിച്ചില്ല. ഒടുവില്‍ ദമ്പതികള്‍ കണ്ണില്‍ മുളക്‌പൊടി വിതറി കവര്‍ച്ച നടത്തുകയായിരുന്നു.
#WATCH A jewellery store owner put up a fight and foiled a robbery bid by a couple who came to loot his shop, in Sangareddy's Beeramguda. (4.07.18) pic.twitter.com/Kntla95a0e
— ANI (@ANI) July 5, 2018
25 ലക്ഷത്തിന്റെ സ്വര്‍ണവും 4 ലക്ഷം പണവും ദമ്പതികള്‍ മോഷ്ടിച്ചു. ഈ സമയം കടയില്‍ മറ്റാരും ഉണ്ടായിരുന്നില്ല. രാത്രി ഒമ്പത് മണിയോടെയായിരുന്നു മോഷണം.
ആഭരണം വാങ്ങാന്‍ എന്ന പേരിലാണ് ഇവര്‍ എത്തിയത്. പുറമെ ഉണ്ടായിരുന്ന മോഡലുകള്‍ ഇഷ്ടമായില്ലെന്ന് പറഞ്ഞതോടെ സ്‌റ്റോര്‍ റൂമില്‍ നിന്നും സ്വര്‍ണം എടുക്കാന്‍ ജയറാം പോയി. ഇതോടെ ദമ്പതികള്‍ പിന്നാലെ എത്തി ജയറാമിനെ ആക്രമിച്ച് സ്വര്‍ണവും പണവുമായി കടന്ന് കളയുകയായിരുന്നു. സംഭവം സിസി ടിവി ക്യാമറയില്‍ പതിഞ്ഞിരുന്നു. ഈ ദൃശ്യങ്ങളാണ് ഇപ്പോള്‍ പുറത്തെത്തിയിരിക്കുന്നത്.
Post Your Comments