തൃശൂർ: തൃശൂർ കേരള വർമ്മ കോളേജിൽ എസ് എഫ് ഐ ആക്രമണം. 5 എബിവിപി പ്രവർത്തകർക്ക് പരിക്കേറ്റു. വിദ്യാർത്ഥികളെ സ്വീകരിക്കാനുള്ള എബിവിപിയുടെ കൊടിതോരണങ്ങൾ നശിപ്പിച്ചതിനെ തുടർന്നാണ് സംഘർഷം. രാവിലെ 8.30 യോടെയാണ് സംഘർഷമുണ്ടായത്. ഒന്നാം വർഷ ഡിഗ്രി വിദ്യാർത്ഥികളെ സ്വാഗതം ചെയ്ത് എബിവിപി ബോർഡുകളും കൊടി തോരണങ്ങളും കോളേജിന് പുറത്ത് സ്ഥാപിച്ചിരുന്നു.
ഇത് എസ്എഫ്ഐ പ്രവർത്തകർ നശിപ്പിച്ചു. കൊടിതോരണങ്ങൾ വീണ്ടും സ്ഥാപിക്കാനെത്തിയ എബിവിപി പ്രവർത്തകരെ 20 ഓളം എസ് എഫ് ഐ കാർ ചേർന്നാണ് ആക്രമിച്ചത്.എബിവിപി പ്രവർത്തകരായ യദുകൃഷ്ണൻ, രജിൻ , പ്രമോദ് , രജിത്ത് , യദു എന്നിവർ പരിക്കേറ്റ് തൃശൂർ ജില്ലാ ആശുപത്രിയിൽ ചികിത്സയിലാണ്.
Post Your Comments