പത്തനാപുരം•പോലീസിനെ കണ്ട് ഭയന്നോടിയ യുവാവിനെ മരിച്ച നിലയില്‍ കണ്ടെത്തി. മാങ്കോട്‌ മുള്ളൂര്‍നിരപ്പ്‌ നബീല്‍ മന്‍സിലില്‍ നജീവ് (40) ആണ് മരിച്ചത്. മുള്ളൂര്‍നിരപ്പ്‌ അഞ്ചുമുക്ക്‌ ഭാഗത്തെ റബര്‍ത്തോട്ടത്തില്‍ നിന്നാണ് യുവാവിനെ മൃതദേഹം കണ്ടെത്തിയത്.
ഞായറാഴ്‌ച രാത്രി മാങ്കോട്‌ മുള്ളൂര്‍നിരപ്പില്‍ എത്തിയ പട്രോളിങ്ങ്‌ സംഘം മദ്യപിച്ചിട്ടുണ്ടോയെന്നറിയാന്‍ ബ്രീത്ത്‌ അനലൈസറിലൂടെ നജീബിനെ പരിശോധിച്ചിരുന്നു. പിടികൂടുമെന്നു ഭയന്ന്‌ ഓടിയ നജീബിന്റെ പിന്നാലെ പോലീസും ഓടിയെങ്കിലും പിടികൂടാനാകാതെ മടങ്ങുകയായിരുന്നു.
എന്നാല്‍ രാവിലെ ടാപ്പിംഗിന് എത്തിയ തൊഴിലാളികള്‍ റബ്ബര്‍ തോട്ടത്തില്‍ നിന്ന് നജീബിന്റെ മൃതദേഹം കണ്ടെത്തുകയായിരുന്നു. പിതാവ്‌: ഷൗക്കത്ത്‌, സുനിതയാണ് . രണ്ടു മക്കള്‍ : നബീല്‍, നസ്‌മി.
Post Your Comments