ഡോണ​ൾ​ഡ് ട്രം​പി​നു വേ​ണ്ടി ക്ഷേത്രം നിർമ്മിക്കാൻ ഇന്ത്യയിൽ നിന്നുമൊരാൾ

അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണൾ​ഡ് ട്രം​പി​നു വേ​ണ്ടി ക്ഷേ​ത്രം നിർമ്മിക്കാനൊരുങ്ങി തെ​ലു​ങ്കാ​ന​യിയിൽ നിന്നുള്ള മുപ്പത്തൊന്നുകാരൻ. തെ​ലു​ങ്കാ​ന​യി​ലെ കു​ഗ്രാ​മ​മാ​യ കോ​ന്നി​യി​ലു​ള്ള ബു​സ്സാ കൃ​ഷ്ണയാണ് ട്രം​പി​ന്‍റെ പ്ര​തി​ഷ്ഠ സ്ഥാ​പി​ച്ച് ക്ഷേത്രം നിർമ്മിക്കാനൊരുങ്ങുന്നത്. ട്രംപിന്റെ ചിത്രം വീട്ടിൽ സ്ഥാപിച്ച് ഇയാൾ പൂജ നടത്താറുണ്ടെന്നാണ് വീട്ടുകാർ വ്യക്തമാക്കുന്നത്. പൂ​ക്ക​ളും മ​ഞ്ഞ​ളും സി​ന്ദൂ​ര​വു​മെ​ല്ലാം അ​ദ്ദേ​ഹം പൂ​ജ​യ്ക്കാ​യി ഉ​പ​യോ​ഗി​ക്കു​ന്നു​ണ്ട്. പോ​കു​ന്ന സ്ഥ​ല​ങ്ങ​ളി​ലെ​ല്ലാം ബുസ്സാ ട്രം​പി​ന്‍റെ ചി​ത്ര​വും കൊ​ണ്ടു​പോ​കാ​റു​ണ്ട്.

Read Also: ല​ഹ​രി​മ​രു​ന്നു​ജ​ന്യ രോ​ഗ​ങ്ങ​ള്‍​ക്കെ​തി​രാ​യ പോ​രാ​ട്ട​ത്തി​നു ഡോ​ണ​ള്‍​ഡ് ട്രം​പ്; ശ​മ്പ​ളം സം​ഭാ​വ​ന ചെ​യ്തു

മൂ​ന്ന് വ​ർ​ഷ​ങ്ങ​ൾ​ക്കു മുൻപാണ് ബുസ്സായ്ക്ക് ട്രംപിനോടുള്ള ആരാധന തുടങ്ങുന്നത്. താ​ൻ ട്രം​പി​നെ ആ​രാ​ധി​ക്കു​ന്ന​തി​ന്‍റെ ചി​ത്ര​ങ്ങ​ളും മ​റ്റും ഫേ​സ്ബു​ക്ക് പേ​ജി​ലൂ​ടെ ബുസ്സാ പ​ങ്കു​വെ​യ്ക്കു​ന്നു​ണ്ട്. ട്രം​പ് ഫേ​സ്ബു​ക്കി​ൽ ത​നി​ക്ക് സ​ന്ദേ​ശം അ​യ​ച്ചു​വെ​ന്നും ഇന്ത്യയിൽ വരുമ്പോൾ തന്നെ കാണുമെന്നുമുള്ള പ്രതീക്ഷയിലാണ് ബുസ്സാ ഇപ്പോൾ. ക​ഴി​ഞ്ഞ വ​ർ​ഷം ഫെ​ബ്രു​വ​രി​യി​ൽ യുഎസിൽ തെ​ലു​ങ്കാ​ന സ്വ​ദേ​ശി​യാ​യ ഒ​രു സോ​ഫ്റ്റ്‌വെ​യ​ർ എ​ൻ​ജി​നിയ​ർ കൊ​ല്ല​പ്പെ​ട്ടത്തിന് ശേഷം മാ​ന​സി​ക​മാ​യി വ​ള​രെ​യ​ധി​കം വേ​ദ​ന അ​നു​ഭ​വി​ച്ച ബുസ്സാ ഇ​ന്ത്യ​ൻ ജ​ന​ത​യ്ക്ക് ട്രം​പി​നോ​ടും അ​ദ്ദേ​ഹ​ത്തി​ന്‍റെ ജ​ന​ങ്ങ​ളോ​ടു​മു​ള്ള സ്നേ​ഹ​വും വി​ശ്വാ​സ​വും പ്രാ​ർ​ഥ​ന​യി​ൽ കൂ​ടി ട്രംപിനെ അറിയിക്കാൻ തീരുമാനിക്കുകയായിരുന്നു.