കൊല്‍ക്കത്ത: അപൂര്‍വ്വയിനത്തില്‍ പെട്ട ഓന്തുകള്‍ക്ക് വില കോടികള്‍. ബംഗാളില്‍ പോലീസ് പിടിയിലായ യുവാവിന്റെ വെളിപ്പെടുത്തല്‍ കേട്ട് ഞെട്ടിയിരിക്കുകയാണ് ലോകം. പശ്ചിമ ബംഗാളിലെ മാള്‍ഡാ റെയില്‍വേ സ്റ്റേഷന് സമീപത്തു വെച്ചാണ് ഹെലാറിഷ് ഹസ്ദയെന്ന് യുവാവ് പോലീസ് പിടിയിലാകുന്നത്. ഓന്തുകളെ ബംഗ്ലാദേശിലേക്ക് കടത്താനായിരുന്നു ഇയാളുടെ ശ്രമം.
അപൂര്‍വ ഇനത്തില്‍പെട്ട ഓന്തുകളെ പെട്ടിക്കുള്ളിലാക്കിയായിരുന്നു ഇയാള്‍ ബംഗ്ലാദേശിലേക്ക് പുറപ്പെടാനെത്തിയത് . ഉഭയചര ജന്തു വര്‍ഗത്തില്‍പെടുന്ന അപൂര്‍വ്വയിനം ഓന്തുകളാണിത്. ഇവ മരുഭൂമിയിലും മഴക്കാടുകളിലും ജീവിക്കാന്‍ ശേഷിയുള്ളവയാണ്. അന്താരാഷ്ട്ര മാര്‍ക്കറ്റില്‍ കോടികളാണ് ഇത്തരം ഓന്തുകള്‍ക്ക് വില. ഹെലാറിഷിനെ വൈകാതെ കോടതിയില്‍ ഹാജരാക്കും. ഇയാളില്‍ നിന്നും പിടിച്ചെടുത്ത ഓന്തുകളെ വനം വകുപ്പിന് കൈമാറി.
Post Your Comments