കൊല്ലം: കൊല്ലം ഓച്ചിറയില്‍ കടത്തിണ്ണയില്‍ അന്തിയുറങ്ങിയ വയോധികര്‍ക്ക് നേരെ ആക്രമണം. കഴിഞ്ഞ ദിവസം പുലര്‍ച്ചെയാണ് സാമൂഹിക വിരുദ്ധരുടെ ആക്രമണം ഉണ്ടായത്. മദ്യലഹരിയില്‍ ആയിരുന്നവരാണ് ആക്രമണം നടത്തിയത് എന്നാണ് വിവരം.
ഓച്ചിറയിലെ തെരുവുകളില്‍ നിരവധി പേരാണ് അന്തിയുറങ്ങുന്നത്. പ്രായമേറിയവരാണ് ഇതില്‍ അധികവും. ഇത്തരത്തിലുള്ളവരെയാണ് സാമൂഹിക വിരുദ്ധര്‍ ആക്രമിച്ചത്. ഒന്നും ചെയ്യുതെന്ന് തൊഴുത് പറഞ്ഞിട്ടും അക്രമികള്‍ തലയില്‍ ചവിട്ടുകയും ശരീരത്ത് അടിക്കുകയുംചെയ്തു. ഇതിന്റെ ദൃശ്യങ്ങള്‍ സമീപത്തെ കടയിലെ സിസിടിവി ക്യാമറയില്‍ പതിഞ്ഞിരുന്നു.
Post Your Comments