ചവറ: ബിജെപിയുടെ കൊടി സിപിഎമ്മിന്‍റെ കൊടിമരത്തില്‍ കെട്ടി രാഷ്ട്രീയ സംഘര്‍ഷമുണ്ടാക്കാന്‍ ശ്രമിച്ച എസ്ഡിപിഐ പ്രവര്‍ത്തകനെ പോലീസ് പിടികൂടി. രാഷ്ട്രീയ സംഘര്‍ഷമുണ്ടാക്കാനായിരുന്നു താന്‍ ഇത്തരത്തില്‍ ചെയ്തതെന്ന് പ്രതി പോലീസിനോട് സമ്മതിച്ചു. ചൊവ്വാഴ്ച രാത്രി പതിനൊന്നോടെയാണ് സംഭവം.
പുലര്‍ച്ചെ സമീപവാസികളാണ് ബിജെപിയുടെ കൊടി സിപിഎമ്മിന്‍റെ കൊടിമരത്തില്‍ കണ്ട് പാര്‍ട്ടി പ്രവര്‍ത്തകരെ വിവരമറിയിച്ചത്. തേവലക്കര ആലുംമൂട്ടില്‍ കെട്ടിയിരുന്ന ബിജെപിയുടെ കൊടി സിപിഎമ്മിന്‍റെ മാവിളമുക്കിലുള്ള കൊടിമരത്തില്‍ കെട്ടുകയായിരുന്നു. സംഭവമറിഞ്ഞെത്തിയ സിപിഎം പ്രവര്‍ത്തകര്‍ ബിജെപിക്കെതിരെ പ്രതിഷേധ പ്രകടനം നടത്താന്‍ തയാറായിരിക്കേയാണ് തെക്കുംഭാഗം പോലീസ് പ്രതി ഷംനാദിനെ അറസ്റ്റു ചെയ്ത വിവരം സമരക്കാരെ അറിയിച്ചത്.
സമീപത്തെ സിസിടിവിയില്‍ നിന്നും ലഭിച്ച ദൃശ്യങ്ങളുടെയും ഫോൺ വിവരങ്ങളുടെയും അടിസ്ഥാനത്തിലാണ് ഷംനാദിനെ ചവറ തെക്കുംഭാഗം പോലീസ് അറസ്റ്റ് ചെയ്തത്.
Post Your Comments