മാസായി കുതിച്ചു കൊണ്ടിരിക്കുന്ന കെഎസ്ആര്‍ടിസിയ്ക്കായി തീം സോങ്

തിരുവനന്തപുരം: നഷ്‌ടങ്ങളിൽ നിന്ന് ഉയിർത്തെഴുനേൽക്കുകയാണ് കെ.എസ്.ആർ.ടി.സി. എംഡി ടോമിന്‍ തച്ചങ്കരിയുടെ നേതൃത്വത്തിലാണ് കെ.എസ്.ആർ.ടി.സി മുന്നേറിക്കൊണ്ടിരിക്കുന്നത്. മെയ് മാസം 207.35 കോടി രൂപയാണ് കെ.എസ്.ആർ.ടി.സിയുടെ വരവ്. ഇത്തരത്തിൽ മാസായി കുതിച്ചു കൊണ്ടിരിക്കുന്ന ആനവണ്ടിയ്ക്കായി ഒരു തീം സോങ് കൂടി എത്തിയാലോ?

Read Also: കെഎസ്ആര്‍ടിസി ബസ് അപകടത്തിൽപെട്ടു

ഇത്തരമൊരു ആശയം കത്തിയിരിക്കുന്നത് ടോമിൻ തച്ചങ്കരിയുടെ തലയിലാണ്. പാട്ടിനുള്ള സംഗീതവും തച്ചങ്കരി തന്നെ തയാറാക്കി. പാട്ടിനായി വരികളെഴുതാൻ ജീവനക്കാരോട് അഭ്യര്‍ഥിച്ചിരിക്കുകയാണ് തച്ചങ്കരി. ഇതിൽ മികച്ചത് തെരഞ്ഞെടുത്ത് ജീവനക്കാർക്ക് പാടാൻ അവസരവും അദ്ദേഹം നൽകും. കുട്ടിയെ എടുത്ത് നിന്ന യാത്രക്കാരിക്ക് സീറ്റു നല്‍കി തറയിലിരുന്ന വനിതാ കണ്ടക്ടറും, പാതിരാത്രിയില്‍ യാത്രക്കാരിയുടെ ബന്ധു വരുന്നതുവരെ കൂട്ടുനിന്ന ബസിന്റെ വാർത്തകളുമൊക്കെ പാട്ടിലുണ്ടാകുമെന്നാണ് സൂചന.