റിയാദ്•റിയാദ് നഗരത്തിന് മുകളില്‍ വച്ച് യെമനിലെ വിമതര്‍ തൊടുത്തുവിട്ട രണ്ട് മിസൈലുകള്‍ സൗദി വ്യോമ പ്രതിരോധ സേന തകര്‍ത്തു. തുടര്‍ന്ന് നഗരത്തില്‍ നിരവധി സ്ഫോടനങ്ങള്‍ കേട്ടതായും റിപ്പോര്‍ട്ട് പറയുന്നു. അതേസമയം, നാശനഷ്ടമോ ആളപായമോ ഉണ്ടായതായി റിപ്പോര്‍ട്ടില്ല.
സൗദി തലസ്ഥാനത്ത് നാല് വലിയ സ്ഫോടനങ്ങള്‍ കേട്ടതായി എ.എഫ്.പി മാധ്യമപ്രവര്‍ത്തകന്‍ പറഞ്ഞു.
സൗദി പ്രതിരോധ മന്ത്രാലയം ഉള്‍പ്പെടെയുള്ള തലസ്ഥാനത്തെ പ്രധാന സ്ഥലങ്ങളില്‍ മിസൈല്‍ പതിച്ചതായി ഇറാന്‍ പിന്തുണയുള്ള വിമതരുടെ മുഖപത്രമായ അല്‍ മസിറ അവകാശപ്പെട്ടു. അതേസമയം, ഈ റിപ്പോര്‍ട്ട് ഹൂതികള്‍ക്കെതിരെ യുദ്ധം ചെയ്യുന്ന സൗദി സഖ്യസേന വക്താവ് തുര്‍ക്കി അല്‍ മാലിക്കി തള്ളിക്കളഞ്ഞു.
Post Your Comments