അടുത്തടുത്ത ദിവസങ്ങളിൽ ഒരേ വീട്ടിൽ മോഷണം

ച​ങ്ങ​നാ​ശേ​രി: മാ​മ്മൂ​ട് ര​ണ്ടാ​ഴ്ച​യ്ക്ക​കം ഒരേ വീട്ടിൽ നടന്ന മോഷണത്തിൽ സ്വർണവും പണവും നഷ്ടമായി. ക​ല്ലു​ക​ളം ആ​ന്‍റ​ണി ചാ​ക്കോ​യു​ടെ വീ​ട്ടി​ലാ​ണ് മോ​ഷ​ണം ന​ട​ന്ന​ത്. വെള്ളിയാഴച്ച പു​ല​ര്‍​ച്ചെ മൂ​ന്നി​നും നാ​ലി​നു​മി​ട​യി​ലാ​ണ് മോ​ഷ​ണം ന​ട​ന്ന​ത്. ആ​ന്‍റ​ണി​യു​ടെ മ​ക​ളു​ടെ ര​ണ്ട​ര പ​വ​ന്‍റെ പാ​ദ​സര​വും പ​ഴ്സി​ല്‍ സൂ​ക്ഷി​ച്ചി​രു​ന്ന നാ​ലാ​യി​രം രൂ​പ​യു​മാ​ണ് മോ​ഷ​ണം പോ​യ​ത്.

ഈ ​മാ​സം ആറാം തീയതിയും ആന്റണിയുടെ വീട്ടിൽ മോഷണം നടന്നിരുന്നു. വീട്ടിൽ ആളില്ലാത്ത സമയം വാതിൽ കുത്തിത്തുറന്നായിരുന്നു മോഷണം നടന്നത്. ആ​ന്‍റ​ണി​യു​ടെ മ​ക​ളു​ടെ വി​വാ​ഹം ന​ട​ക്കാ​നി​രി​ക്കെ​യായിരുന്നു മോഷണം നടന്നത്. വീ​ട്ടി​ല്‍ സ്വ​ര്‍​ണ​വും പ​ണ​വും സൂ​ക്ഷി​ച്ചി​ട്ടു​ണ്ടെ​ന്ന് ക​രു​തി​യാ​ണ് അ​ന്ന് മോ​ഷ്ടാ​വ് വീ​ട്ടി​ല്‍ ക​ട​ന്ന​ത്. എന്നാൽ ആന്റണി ആ സമയം വിലപിടിപ്പുള്ള ഒന്നും വീട്ടിൽ സൂക്ഷിച്ചിരുന്നില്ല.

Read also:പ്രവാസികള്‍ക്ക് അനുഗ്രഹമായി യുഎഇ സര്‍ക്കാര്‍ ഒരിക്കല്‍കൂടി നിയമം ഇളവ് ചെയ്യുന്നു

ആ​ന്‍റ​ണി തൃ​ക്കൊ​ടി​ത്താ​നം പോ​ലീ​സി​ല്‍ പ​രാ​തി ന​ല്‍​കി. പോലീസ് അന്വേഷണം ആരംഭിച്ചു. ഈ ഭാഗങ്ങളിൽ നിരന്തരം മോഷണം നടക്കുന്നുണ്ടെന്ന് പരാതി ഉയർന്നിട്ടുണ്ട്.