ആറു വയസുകാരിയെ പീഡിപ്പിച്ച് കൊലപ്പെടുത്തി : മുഖം വികൃതമാക്കി

മധ്യ പ്രദേശ് : ആറു വയസുകാരിയെ തട്ടികൊണ്ടുപോയി പീഡിപ്പിച്ച് കൊലപ്പെടുത്തി. കുട്ടിയുടെ മുഖം ആരും തിരിച്ചറിയാനാകാത്ത വിധം വികൃതമാക്കി. മധ്യപ്രദേശിലെ ഗ്വാളിയാറിൽ ബുധനാഴ്ച്ച രാത്രിയാണ് ഞെട്ടിക്കുന്ന സംഭവം നടന്നത്. ഒരു വിവാഹ ചടങ്ങിന് മാതാപിതാക്കളോടൊപ്പം എത്തിയ കുട്ടിയെ ഐസ്ക്രീം വാങ്ങി നൽകാമെന്ന് പറഞ്ഞു പ്രലോഭിപിച്ച് തട്ടികൊണ്ട് പോകുകയും പീഡിപ്പിച്ച് കൊലപ്പെടുത്തുകയുമായിരുന്നു.

പ്രതി രാത്രി ഏകദേശം ഒരു മണിയോടെ പെൺകുട്ടിയെ കൂട്ടികൊണ്ട് പോകുന്ന   ദൃശ്യങ്ങൾ സമീപത്തെ സിസിടിവിയിൽ നിന്നും ലഭിച്ചിട്ടുണ്ട്. ഇടയ്ക്ക് ഇയാളിൽ നിന്നും ഓടി മാറിയ കുട്ടി വീണ്ടും  വിളിച്ചപ്പോൾ അടുത്തേക്ക് പോയി. ശേഷം  കുട്ടിയെ കൈ പിടിച്ച് കൊണ്ടുപോകുന്നതും തിരിച്ച് ഏകദേശം രണ്ടരയോടെ പ്രതി തനിയെ തിരിച്ചു വരുന്നതും സിസിടിവി ദൃശ്യങ്ങളിൽ വ്യക്തമാണ്.

കുട്ടിയെ കാണാതായതോടെ മാതാപിതാക്കൾ നൽകിയ പരാതിയുടെ അടിസ്ഥാനത്തിൽ നടത്തിയ തിരച്ചിലിലാണ് വിവാഹ വേദിയില്‍ നിന്നും 500 മീറ്റര്‍ അകലെ കേസർ പഹാരി എന്ന വന മേഖലയിൽ നിന്നും പെൺകുട്ടിയുടെ മൃതദേഹം കണ്ടെത്തിയത്. കുട്ടിയെ തിരിച്ചറിയാതിരിക്കാൻ പ്രതി പാറ കൊണ്ട് മുഖം തകർത്ത നിലയിലായിരുന്നു. പോസ്റ്റുമോർട്ടം റിപ്പോർട്ടിന്റെ അടിസ്ഥാനത്തിൽ പോക്‌സോ നിയമപ്രകാരം കേസ് എടുത്തെന്നും പ്രതിയെ തിരിച്ചറിഞ്ഞിട്ടുണ്ടെന്നും ഉടൻ പിടികൂടുമെന്നും പോലീസ് അറിയിച്ചു.

 

വീഡിയോ കടപ്പാട് (VIDEO COURTESY) : ടൈംസ്‌ ഓഫ് ഇന്ത്യ (TIMES OF INDIA)