ദുബായ് : ദുബായില്‍ നിന്ന് ഇന്ത്യയിലേയ്ക്കും പാകിസ്ഥാനിലേയ്ക്കും കുറഞ്ഞ ചെലവില്‍ പറക്കാം. എമിറേറ്റ്സ് എയര്‍ലൈന്‍സാണ് പ്രത്യേക ഓഫറുമായി രംഗത്ത് വന്നിരിക്കുന്നത്. പാകിസ്ഥാനിലെ കറാച്ചിയില്‍ നിന്ന് ദുബായിലേയ്ക്ക് വെറും 905 ദിര്‍ഹത്തിന് പറക്കാം. അതുപോലെ തിരിച്ച് ലാഹോറിലേയ്ക്കും.
ദുബായില്‍ നിന്ന് ഡല്‍ഹിയിലേയ്ക്ക് എമിറേറ്റ് ഫ്‌ളൈറ്റ് ഈടാക്കുന്നത് 1095 ദിര്‍ഹം മാത്രം. ഇത് ഹൈദ്രാബാദിലേയ്ക്കാണെങ്കില്‍ 1195 ദിര്‍ഹവും ബംഗളൂരുവിലേയ്ക്കാണെങ്കില്‍ 1255 ദിര്‍ഹവുമായിരിയ്ക്കും.
Read Also : ചെക്ക് ഇന്‍ ചെയ്യുന്നതില്‍ നിര്‍ണായക തീരുമാനവുമായി എമിറേറ്റ്സ് എയര്‍ലൈന്‍സ്
ദുബായില്‍ നിന്ന് ബെയ്‌റൂട്ടിലേയ്ക്ക് 995 ദിര്‍ഹത്തിന് പറക്കാം. അടുത്ത 13 ദിവസത്തേയ്ക്ക് മാത്രമാണ് എമിറേറ്റിന്റെ ഈ കിടിലന്‍ ഓഫര്‍. ഈ ദിവസങ്ങളില്‍ ബുക്ക് ചെയ്യുന്നവര്‍ക്ക് ജൂണ്‍ 20 മുതല്‍ 2019 മാര്‍ച്ച് 19 വരെയുള്ള കാലയളവിലാണ് യാത്ര ചെയ്യാനാകൂ.
കൂടുതല്‍ വിവരങ്ങള്‍ക്കായി എമിറേറ്റ്‌സിന്റെ ഒഫീഷ്യല്‍ വെബ്‌സൈറ്റ് പരിശോധിയ്ക്കാനും അധികൃതര്‍ പറയുന്നു.
Post Your Comments