ഒമാനിൽ കെട്ടിടത്തിൽ നിന്നും വീണ് പ്രവാസിക്ക് ദാരുണാന്ത്യം

മസ്‌കറ്റ് : കെട്ടിടത്തിൽ നിന്നും വീണ് പ്രവാസിക്ക് ദാരുണാന്ത്യം. നിർമാണ കമ്പനിയിലെ ജോലിക്കാരനും,കൊല്ലം കടക്കൽ എടത്തറ സ്വദേശിയുമായ സജിത്ത് ആനന്ദൻ (51) ആണ് മരിച്ചത്. ജഅലാൻ ബു അലിയിൽ വ്യാഴാഴ്ച രാത്രി താമസിക്കുന്ന കെട്ടിടത്തിന് മുകളിൽ കയറിയ ആനന്ദൻ തിരച്ചിറങ്ങിയിരുന്നില്ല. ഇത് സുഹൃത്തുക്കൾ ശ്രദ്ധിച്ചതുമില്ല. അടുത്ത ദിവസം ആനന്ദനെ കാണാത്തതിനെ തുടർന്ന് നടത്തിയ അന്വേഷണത്തിലാണ് കെട്ടിടത്തിന് താഴെ മൃതദേഹം കണ്ടെത്തിയതെന്നും. അപകടമുണ്ടായത് എങ്ങനെയെന്ന് വ്യക്തമല്ലെന്നും സുഹൃത്തുക്കൾ പറഞ്ഞു. സൂർ ആശുപത്രിയിലേക്ക് മാറ്റിയ മൃതദേഹം നാട്ടിൽ കൊണ്ടുപോകുന്നതിനുള്ള നടപടികൾ ആരംഭിച്ചു.

Also read : വിനോദസഞ്ചാരികളുമായി പോയ ബോട്ട് മുങ്ങി ആറ് പേര്‍ക്ക് ദാരുണാന്ത്യം