തിരുവനന്തപുരം: സംസ്ഥാന പോലീസ് സേനയില്‍ ഉന്നത ഉദ്യോഗസ്ഥന്‍ പോലീസുകാരെ വീട്ടു ജോലി ചെയ്യിച്ചെന്ന പരാതിയ്ക്കു പിന്നാലെ സമാനമായ സംഭവം വീണ്ടും. എഡിജിപി സുധേഷ് കുമാറിന്റെ മകള്‍ ഡ്രൈവറെ മര്‍ദ്ദിച്ച സംഭവത്തിന് പിന്നാലെയാണ് പോലീസുകാരെക്കൊണ്ട് വീട്ടുവേല ചെയ്യിക്കുന്നുവെന്ന വാര്‍ത്ത പുറത്ത് വന്നത്. പിന്നാലെ പരാതിയുമായി പോലീസ് അസോസിയേഷന്‍ അധികൃതര്‍ പിണറായി വിജയനെ സമീപിച്ചിരുന്നു.
പോലീസില്‍ നിന്നും ഇപ്പോള്‍ വരുന്ന വാര്‍ത്തയും ഞെട്ടിക്കുന്നതാണ്. എഡിജിപി നിഥിന്‍ അഗര്‍വാളിന്റെ വീട്ടില്‍ പോലീസുകാര്‍ പട്ടിയെ കുളിപ്പിക്കുന്ന വീഡിയോ പ്രമുഖ മാധ്യമം പുറത്ത് വിട്ടരുന്നു. എന്നാല്‍ ഇത് ഒരു വര്‍ഷം മുന്‍പുള്ള വീഡിയോയാണ്. പോലീസ് ഡോഗ്‌സ്‌ക്വാഡിലെ പോലീസുകാര്‍ പട്ടിയെ കുളിപ്പിക്കുന്ന ദൃശ്യങ്ങളാണ് പുറത്ത് വന്നിരിക്കുന്നത്. സമൂഹ മാധ്യമങ്ങളിലും വീഡിയോ ഇതിനോടകം പ്രചരിച്ചു കഴിഞ്ഞു.
Post Your Comments