ലോറിയും കാറും കൂട്ടിയിടിച്ച് അപകടം : ഗുരുതരമായി പരിക്കേറ്റ യുവാവ് മരിച്ചു

കാസർഗോഡ് : ലോറിയും കാറും കൂട്ടിയിടിച്ചുണ്ടായ അപകടത്തിൽ ഗുരുതരമായി പരിക്കേറ്റ യുവാവ് മരിച്ചു. വെള്ളിയാഴ്ച ഉച്ചയ്ക്ക് കാസർഗോഡ്  അണങ്കൂര്‍ ദേശീയപാതയില്‍ ഉണ്ടായ അപകടത്തിൽ തളങ്കര പള്ളിക്കാല്‍ മുപ്പതാംമൈല്‍ സ്വദേശി നിസാമുദ്ദീന്‍(20) ആണ് മരിച്ചത്. ഗ്യാസ് സിലിണ്ടറുകളുമായി കാഞ്ഞങ്ങാട് ഭാഗത്തുനിന്നും മംഗളൂരു ഭാഗത്തേക്ക് പോകുകയായിരുന്ന ലോറിയും കാസര്‍കോട് നിന്നും വിദ്യനഗര്‍ പടുവടുക്കത്തേക്ക് പോവുകയായിരുന്ന കാറും തമ്മിൽ കൂട്ടി ഇടിക്കുകയായിരുന്നു. ലോറി ഡ്രൈവര്‍ കര്‍ണാടക പുത്തൂര്‍ സ്വദേശി രാജു(61) വിനും അപകടത്തില്‍ പരിക്കേറ്റിരുന്നു.

also read : പോലീസ് ഡ്രൈവറെ മർദ്ദിച്ച സംഭവം : പ്രതികരണവുമായി മുഖ്യമന്ത്രി