ഡാ​മു​ക​ളിൽ ജ​ല​നി​ര​പ്പ് ഉയരുന്നു; അ​ണ​ക്കെ​ട്ടു​ക​ള്‍ ഉടൻ തുറന്നുവിടും

തി​രു​വ​ന​ന്ത​പു​രം: ക​ന​ത്ത മ​ഴയെ തുടർന്ന് സം​സ്ഥാ​ന​ത്തെ വി​വി​ധ അ​ണ​ക്കെ​ട്ടു​ക​ളി​ലെ ജ​ല​നി​ര​പ്പ് ഉയരുന്നു.
ഇ​തോ​ടെ അ​ണ​ക്കെ​ട്ടു​ക​ള്‍ ഉടൻ തുറന്നു വിടുമെന്ന് അധികൃതർ അറിയിച്ചു ജ​ന​ങ്ങ​ള്‍ ജാ​ഗ്ര​ത പാ​ലി​ക്ക​ണ​മെ​ന്നും മുന്നറിയിപ്പ് നൽകി. പാ​ല​ക്കാ​ട് മം​ഗ​ലം ഡാം, ​കോ​ഴി​ക്കോ​ട് ക​ക്ക​യം ഡാം, ​തി​രു​വ​ന​ന്ത​പു​രം നെ​യ്യാ​ര്‍ ഡാം ​എ​ന്നി​വ തു​റ​ന്നു​വി​ടാ​ന്‍ സാ​ധ്യ​ത​യു​ണ്ടെ​ന്ന് അ​ധി​കൃ​ത​ര്‍ അറിയിച്ചു.

ALSO READ: ഇടിമിന്നലേറ്റ് 10 മരണം; നിരവധി പേർക്ക് പരിക്ക്

ജലനിരപ്പ് ഉയര്‍ന്നതിനെ തുടര്‍ന്നു വ​യ​നാ​ട് കാ​രാ​പ്പു​ഴ ഡാ​മി​ന്‍റെ ഷ​ട്ട​റു​ക​ള്‍ തു​റ​ന്നു. തീ​ര​ത്തു​ള്ള​വ​ര്‍ ജാ​ഗ്ര​ത പു​ല​ര്‍​ത്ത​ണ​മെ​ന്നും നി​ര്‍​ദേ​ശം ന​ല്‍​കി. കഴിഞ്ഞ രണ്ട് ദിവസമായി ശക്തമായ മഴയാണ് സംസ്ഥാനത്ത് അനുഭവപ്പെടുന്നത്.അൽപ്പസമയം മുൻപ് താമരശ്ശേരി കട്ടിപ്പാറയിലുണ്ടായ ഉരുള്‍പൊട്ടലില്‍ രണ്ട് കുടുംബത്തിലെ പതിനൊന്ന് പേരെ കാണാതായിരുന്നു. ഇവിടെ രക്ഷാപ്രവർത്തനം തുടരുകയാണ്.