കൊല്‍ക്കത്ത : ട്രെയിനിനുള്ളിൽവെച്ച് വിദേശ വനിതയെ പീഡിപ്പിക്കാൻ ശ്രമിച്ചയാൾ അറസ്റ്റില്‍. കൊല്‍ക്കത്തയിലാണ് സംഭവം. ഇന്ത്യ സന്ദര്‍ശിക്കാനെത്തിയ ഫ്രഞ്ച് വനിതയ്‌ക്കെതിരെയാണ് പീഡനശ്രമം നടന്നത്. പ്രതിയായ മുപ്പത്തിയൊന്നുകാരൻ അര്‍ഷാദ് ഹുസൈനെ പോലീസ് അറസ്റ്റ് ചെയ്തു.
ബീഹാറിലെ ജമല്‍പൂരില്‍ നിന്ന് ബംഗാളിലെ ഹൗറയിലേക്ക് പോകുകയായിരുന്നു യുവതി. യുവതിയുടെ പുരുഷ സുഹൃത്തും ഒപ്പമുണ്ടായിരുന്നു. സീറ്റില്ലാത്തതിനാല്‍ വാതില്‍ക്കല്‍ നിന്നാണ് ഇരുവരും യാത്ര ചെയ്തിരുന്നത്. തുടർന്ന് യുവതിക്ക് ഹുസൈൻ തന്റെ ബെര്‍ത്ത് വാഗ്ദാനം ചെയ്തു. പിന്നീട് ബെര്‍ത്തില്‍ കിടന്ന യുവതിയെ ലൈംഗിക താല്‍പ്പര്യത്തോടെ ഇയാൾ സ്പർശിക്കുകയായിരുന്നു .
തുടര്‍ന്ന് യുവതി ബഹളം വച്ചപ്പോൾ ഹുസൈൻ യുവതിയെ തല്ലുകയും ചെയ്തു. തുടർന്ന് യുവതിയുടെ സുഹൃത്തും മറ്റ് യാത്രക്കാരും ചേര്‍ന്ന് ഇയാളെ പിടികൂടി ആര്‍.പി.എഫിന് കൈമാറുകയായിരുന്നു. ഇയാൾക്കെതിരെ പോലീസ് കേസെടുത്തു.
Post Your Comments