മാറ്റിവെച്ച പി.എസ്.സി പരീക്ഷകളുടെ പുതുക്കിയ തിയതി ഇങ്ങനെ

തിരുവനന്തപുരം: നിപ്പാ വൈറസ് ബാധയെ തുടര്‍ന്ന് മാറ്റിവെച്ച പി.എസ്.സി പരീക്ഷയുടെ പുതുക്കിയ തിയതി പ്രഖ്യാപിച്ചു. മെയ് 26ന് നടത്താനിരുന്ന വനിതാ സിവില്‍ പോലീസ് ഓഫീസര്‍ /സിവില്‍ പോലീസ് ഓഫീസര്‍ പരീക്ഷകള്‍ ജൂലൈ 22നും, ജൂണ്‍ ഒൻപതിന് നടത്താനിരുന്ന കമ്പനി / ബോര്‍ഡ്/കോപ്പറേഷന്‍ അസിസ്റ്റന്റിന്റെ രണ്ട് കാറ്റഗറിയിലേക്കുമായുള്ള ഒറ്റ പരീക്ഷ ആഗസ്റ്റ് 5നും നടത്തുമെന്ന് പി.എസ്.സി അറിയിച്ചു.

ALSO READ:ഉദ്യോഗാർഥികളുടെ ശ്രദ്ധയ്ക്ക് ; വിവിധ തസ്തികകളിൽ അപേക്ഷ ക്ഷണിച്ച് പി.എസ്.സി

ഇരു പരീക്ഷകളും ഉച്ചയ്ക്ക് 1.30 മുതല്‍ 3.30 വരെയാണ് നടത്തുക. മുന്നേ നിശ്ചയിച്ച തിയതികളുടെ അടിസ്ഥാനത്തില്‍ ഡൗണ്‍ലോഡ് ചെയ്ത ഹാള്‍ടിക്കറ്റുമായാണ് പരീക്ഷയ്ക്ക് എത്തേണ്ടത്. സിവില്‍ പോലീസ് തസ്തികയിലേക്ക് 5,25,352 പേരും കമ്പനി ബോര്‍ഡ് അസിസ്റ്റന്റ് തസ്തികയിലേക്ക് 4,98,945പേരുമാണ് പരീക്ഷ എഴുതുന്നത്.