ദുബായ്: ദുബായിൽ ഈദ് അൽ ഫിത്തർ പ്രമാണിച്ച്‌ സ്കൂളുകള്‍ക്ക് അവധി പ്രഖ്യാപിച്ചു. വ്യാഴം മുതല്‍ ഞായര്‍ വരെയാണ് അവധി. എന്നാല്‍ തിങ്കളാഴ്ച സ്കൂളുകള്‍ തുറക്കുന്ന കാര്യം വ്യക്തമാക്കിയിട്ടില്ല. തിങ്കളാഴ്ച സ്കൂള്‍ തുറക്കുന്നത് സംബന്ധിച്ച വിവരങ്ങള്‍ പരിശോധിക്കാന്‍ മാതാപിതാക്കളോട് അധികൃതർ ആവശ്യപ്പെട്ടിട്ടുണ്ട്.
ALSO READ: വരുംദിവസങ്ങളിൽ യുഎഇയിൽ താപനില ഉയരാൻ സാധ്യത
കഴിഞ്ഞ ദിവസം യുഎഇയിൽ ഈദ് അല്‍ ഫിത്തര്‍ അവധി പ്രഖ്യാപിച്ചിരുന്നു . പൊതുമേഖലയ്ക്ക് സര്‍ക്കാര്‍ മൂന്ന് ദിവസമാണ് അവധി പ്രഖ്യാപിച്ചിരിക്കുന്നത്. ഈ മാസം 14 മുതല്‍ മൂന്ന് ദിവസമാണ് അവധി. പെരുന്നാള്‍ 15നാണെങ്കില്‍ 17 വരെയും അവധിയുണ്ടാകും. 18മുതല്‍ സര്‍ക്കാര്‍ ഓഫീസുകള്‍ പതിവുപോലെ പ്രവര്‍ത്തിക്കുമെന്ന് ഫെഡറല്‍ അതോറിറ്റി ഫോര്‍ ഗവ. ഹ്യൂമന്‍ റിസോഴ്‌സസ് അധികൃതര്‍ അറിയിച്ചു.
Post Your Comments