മുംബൈ: ഞങ്ങളെ വിശ്വസിച്ച് പ്രോത്സാഹിപ്പിച്ച ആരാധകര്‍ക്ക് വിജയം സമ്മാനിക്കുന്നതായി സുനില്‍ ഛേത്രി. ഇന്റര്‍കോണ്ടിനെന്റല്‍ കപ്പ് വിജയിച്ചതിന് പിന്നാലെയാണ് ട്വിറ്ററിലൂടെ താരത്തിന്റെ പ്രതികരണം. നന്ദി ഇന്ത്യ! ഈ വിജയം ഞങ്ങളെ വിശ്വസിച്ച, ഞങ്ങള്‍ക്ക് വേണ്ടി ആര്‍പ്പുവിളിച്ച, വീട്ടിലിരുന്ന് കൈയ്യടിച്ച ആരാധകര്‍ക്കുള്ളതാണ്. കളിക്കാരും സ്റ്റാഫുകളും ഒരുമിച്ച് നിന്നു. ഇത് സന്തോഷിക്കാനുള്ള സമയമാണ്. നമ്മള്‍ വീണ്ടും ഒത്തുചേരും, കാരണം മുന്നോട്ടുള്ള പാത വളരെ ദൈര്‍ഘ്യമേറിയതാണെന്ന് ഛേത്രി ട്വിറ്ററിൽ കുറിച്ചു.
Read Also: സന്ദര്‍ശനത്തിനായി സ്മൃതി ഇറാനി കേരളത്തില്‍
ഇന്നലെ മുംബൈ ഫുട്ബോള്‍ അരീനയില്‍ നടന്ന ഇന്റര്‍കോണ്ടിനെന്റല്‍ കപ്പ് ഫൈനലില്‍ കെനിയക്കെതിരെ എതിരില്ലാത്ത രണ്ട് ഗോളിനായിരുന്നു ഇന്ത്യയുടെ ജയം. ഇരട്ടഗോളുകളാണ് മത്സരത്തിൽ ഛേത്രി നേടിയത്. ഇതോടെ നിലവില്‍ കളിക്കുന്നവരില്‍ ഗോള്‍വേട്ടക്കാരുടെ പട്ടികയില്‍ അര്‍ജന്റീനയുടെ ലയണല്‍ മെസ്സിക്കൊപ്പമെത്താനും ഛേത്രിക്ക് സാധിച്ചു. 81 ഗോളുകളുമായി ക്രിസ്റ്റ്യാനോ റൊണാൾഡോയാണ് ഒന്നാമത്.
Post Your Comments