വ്യോമസേനാ വിമാനം തകര്‍ന്നുവീണു; പൈലറ്റ് കൊല്ലപ്പെട്ടു

കച്ച് : വ്യോമസേനയുടെ വിമാനം തകര്‍ന്നുവീണു പൈലറ്റ് മരിച്ചു. എയര്‍ കമ്മോഡോര്‍ സഞ്ജയ് ചൗഹാന്‍ ആണു കൊല്ലപ്പെട്ടത്. ഗുജറാത്തിലെ കച്ച് മേഖലയിലായിരുന്നു അപകടം. ജാംനഗറിലെ എയര്‍ബേസില്‍നിന്നു പതിവുപറക്കലിനിടെ ആയിരുന്നു അപകടമെന്ന് പ്രതിരോധ വക്താവ് അറിയിച്ചു. കച്ച് മുന്ദ്രയിലെ പാടത്തേക്കാണു വിമാനം വീണത്. സംഭവത്തില്‍ വ്യോമസേന അന്വേഷണം പ്രഖ്യാപിച്ചു. അസമില്‍ കഴിഞ്ഞ മാസമുണ്ടായ ഹെലികോപ്ടര്‍ അപകടത്തില്‍ രണ്ട് പൈലറ്റുമാര്‍ കൊല്ലപ്പെട്ടിരുന്നു.