നിപയെ ഭയന്നില്ല ; രോഗികൾക്ക് സഹായമായി സൗഹൃദക്കൂട്ടം

കോഴിക്കോട് : കേരളം മുഴുവൻ നിപയെ ഭയന്നപ്പോൾ രോഗികൾക്ക് കൈത്താങ്ങായി ചിലരെത്തി. മെ​ഡി​ക്ക​ല്‍ കോ​ള​ജ്​ ആശുപത്രിയില്‍ രോ​ഗ​നി​യ​ന്ത്ര​ണ​ത്തി​നു​ള്ള സം​വി​ധാ​ന​ങ്ങ​ള്‍ ഒ​രു​ക്കാ​ന്‍ സ​ധൈ​ര്യം മു​ന്നി​ട്ടി​റ​ങ്ങിയ സൗ​ഹൃ​ദ കൂ​ട്ടാ​യ്മയെ മറക്കാൻ കഴിയില്ല. വ​യ​നാ​ട് വൈ​ത്തി​രി ആ​സ്ഥാ​ന​മാ​യു​ള്ള ഫൈ​റ്റ് ഫോ​ര്‍ ലൈ​ഫ് ഫൗ​ണ്ടേ​ഷ​നി​ലെ സി​റാ​ജ് വൈ​ത്തി​രി​യും ബ​ന്ധു​ക്ക​ളാ​യ ആ​ബി​ദ്, റ​ഷീ​ദ്, ആ​രി​ഫ്, റി​യാ​സ്, മ​ഹ്​​മൂ​ദ്​ എ​ന്നി​വ​രും ചേ​ര്‍​ന്നാ​ണ്​ ഈ സമൂഹ നന്മ സംഘടിപ്പിച്ചത്.

നിപ വൈറസ് ബാധയേറ്റതായി സം​ശ​യി​ക്കു​ന്ന​വരെയും രോഗം സ്ഥിതീകരിച്ചവരെയും ചി​കി​ത്സി​ക്കാ​നാ​യി അ​ടി​യ​ന്ത​ര​മാ​യി ഐ​സോ​ലേ​റ്റ​ഡ് വാ​ര്‍​ഡ് ഒ​രു​ക്കു​ക​യെ​ന്ന ദൗ​ത്യ​മാ​ണ് ഇ​വ​ര്‍ ഏ​റ്റെ​ടു​ത്ത​ത്. ഐ​സോ​ലേ​റ്റ​ഡ് വാർഡ് നിർമിക്കാൻ പൊതുമരാമത്ത് വകുപ്പിന്റെ കരാർ ജീവക്കാർ പോലും മടിച്ച സാഹചര്യത്തിലാണ് ഈ സുഹൃത്തുക്കൾ അത് ഏറ്റെടുത്തത്. ‘മേ​യ്​ 25ന് ​രാ​ത്രി​യാ​ണ് മെ​ഡി​ക്ക​ല്‍ കോ​ള​ജ് മെ​ഡി​സി​ന്‍ വി​ഭാ​ഗം പ്ര​ഫ​സ​റും സു​ഹൃ​ത്തു​മാ​യ ഡോ. ​ജ​യേ​ഷ്കു​മാ​ര്‍ വി​ളി​ക്ക് കാര്യം പറഞ്ഞത്.

സംഭവം വഷളാകുന്നുവെന്നും എന്തെങ്കിലും ചെയ്യണമെന്നും ജ​യേ​ഷ്കു​മാ​ര്‍ അറിയിച്ചപ്പോൾ എല്ലാം മറന്ന് മുന്നിട്ടിറങ്ങിയെന്ന് സി​റാ​ജ് പ​റ​യു​ന്നു. നി​പ​യുടെ ആ​ശ​ങ്ക ആ​ളി​പ്പ​ട​ര്‍​ന്ന ദി​വ​സ​ങ്ങ​ളാ​യി​രു​ന്നു അ​ത്. 26ന് ​രാ​വി​ലെ മു​ത​ല്‍ 28ന് ​വൈ​കു​ന്നേ​രം വ​രെ​യാ​യി​രു​ന്നു സ​മ​യ​മു​ണ്ടാ​യി​രു​ന്ന​ത്. ഇ​തി​നി​ട​യി​ല്‍ 50ഓ​ളം ഐ​സോ​ലേ​റ്റ​ഡ് റൂ​മു​ക​ളും ഒ​രു ഐ​സോ​ലേ​റ്റ​ഡ് വാ​ര്‍​ഡി​ല്‍ ഏ​ഴ് റൂ​മു​ക​ളും പ്ര​ത്യേ​ക​മാ​യി സ​ജ്ജീ​ക​രി​ച്ചു.

മെ​ഡി​ക്ക​ല്‍ കോ​ള​ജ്​ പ്രി​ന്‍​സി​പ്പ​ല്‍ ഡോ. ​വി.​ആ​ര്‍. രാ​ജേ​ന്ദ്ര​നും സൂ​പ്ര​ണ്ട് ഡോ. ​കെ.​ജി. സ​ജീ​ത്ത്കു​മാ​റും സൂ​പ്പ​ര്‍​സ്പെ​ഷാ​ലി​റ്റി സൂ​പ്ര​ണ്ട് ഡോ. ​കെ.​എം. കു​ര്യാ​ക്കോ​സും ഡോ. ​ജ​യേ​ഷ് കു​മാ​റു​മെ​ല്ലാം പൂ​ര്‍​ണ സ​ഹ​ക​ര​ണ​ത്തോ​ടെ ഒ​പ്പം​ നി​ന്ന​താ​ണ് വി​ജ​യ​ക​ര​മാ​യി എ​ല്ലാം തീ​ര്‍​ക്കാ​ന്‍ സ​ഹാ​യി​ച്ച​തെ​ന്ന് സി​റാ​ജും കൂട്ടുകാരും പറയുന്നു.