ചെങ്ങന്നൂര്‍: ശക്തമായ മത്സരം നടന്നിടത്ത് മുപ്പത്തിഅയ്യായിരത്തിലേറെ വോട്ട് നേടുക എന്നത് ചെറിയ കാര്യമല്ലെന്ന് ബിജെപി നേതാവ് കെ സുരേന്ദ്രന്‍. ബിജെപി കേരളത്തില്‍ ആര്‍ക്കും അവഗണിക്കാനാവാത്ത ശക്തിയാണെന്ന് ചെങ്ങന്നൂര്‍ തെളിയിക്കുന്നുവെന്നും സുരേന്ദ്രന്‍ ഫേസ്ബുക്ക് പോസ്റ്റില്‍ കുറിച്ചു.
കെ സുരേന്ദ്രന്റെ ഫേസ്ബുക്ക് പോസ്റ്റിന്റെ പൂര്‍ണരൂപം
വാശിയേറിയ ഒരു ഉപതെരഞ്ഞെടുപ്പില്‍ മുപ്പത്തി അയ്യായിരത്തിലേറെ വോട്ടു നേടുക എന്നത് ഒരു ചെറിയകാര്യമല്ല. ശക്തമായ വര്‍ഗ്ഗീയകാര്‍ഡിറക്കിയാണ് ഇടതുമുന്നണി വിജയിച്ചത്. ബി. ജെ. പി. കേരളത്തില്‍ ആര്‍ക്കും അവഗണിക്കാനാവാത്ത ശക്തിയാണെന്ന് ചെങ്ങന്നൂര്‍ തെളിയിക്കുന്നു. സര്‍ക്കാര്‍ മിഷനറി പൂര്‍ണ്ണമായും ദുരുപയോഗം ചെയ്തിട്ടും ബി. ജെ. പി. പ്രവര്‍ത്തകരെ സ്വാധീനിക്കാന്‍ അവര്‍ക്കു കഴിഞ്ഞില്ല എന്നതാണ് സത്യം. ഈ തെരഞ്ഞെടുപ്പില്‍ അത്യദ്ധ്വാനം ചെയ്ത എല്ലാ പാര്‍ട്ടി പ്രവര്‍ത്തകരേയും അഭിനന്ദിക്കുന്നു.
Post Your Comments