ഇന്ധന വിലയില്‍ വീണ്ടും മാറ്റം; പുതിയ നിരക്കിങ്ങനെ

തിരുവനന്തപുരം: സംസ്ഥാനത്ത് ഇന്ധന വിലയില്‍ വീണ്ടും മാറ്റം. ഇന്ന് പെട്രോളിനും ഡീസലിനും വില കുറഞ്ഞു. പെട്രോളിന് 7 പൈസയും ഡീസലിന് 6 പൈസയുമാണ് കുറഞ്ഞത്. തിരുവനന്തപുരത്ത് പെട്രോളിന് 85.54 രൂപയും ഡീസലിന് 75.13 രൂപയുമാണ്. പതിനാറ് ദിവസത്തെ വര്‍ദ്ധനയ്ക്ക് ശേഷം പെട്രോളിനും ഡീസലിനും ഇന്നലെ ഒരു പൈസ കുറഞ്ഞിരുന്നു.

അതേസമയം ഇന്ധനവിലയില്‍ ഈടാക്കുന്ന അധിക നികുതി ജൂണ്‍ ഒന്ന് മുതല്‍ പിന്‍വലിക്കുമെന്ന് സംസ്ഥാനസര്‍ക്കാര്‍ അന്നലെ അറിയിച്ചിരുന്നു. എന്നാല്‍ എത്രരൂപയാണ് കുറയുക എന്ന കാര്യത്തില്‍ തീരുമാനമായിട്ടില്ല. മന്ത്രിസഭയാണ് അക്കാര്യം തീരുമാനിക്കുക എന്നും ധനകാര്യമന്ത്രി തോമസ് ഐസക് ഇന്നലെ അറിയിച്ചിരുന്നു.